sun lo ki rang-e-mahfil kuchh moatabar nahin hai

sun lo ki rañg-e-mahfil kuchh mo'atabar nahīñ hai

hai ek zabān goyā sham’-e-sahr nahīñ hai

muddat se DhūñDhtā huuñ miltā magar nahīñ hai

vo ik sukūn-e-ḳhātir jo besh-tar nahīñ hai

ho laakh chāra-sāzī lekin asar nahīñ hai

haañ dar-kHur-e-mudāvā zaḳhm-e-jigar nahīñ hai

dil thā to ho rahā thā ehsās-e-zindagī bhī

zinda huuñ ab ki murda mujh ko ḳhabar nahīñ hai

parda uThā de ik din tū ai hijāb-e-hastī

paatā huuñ us ko dil meñ dekhā magar nahīñ hai

marne pe jism-e-ḳhākī kyā saath ruuh kā de

rāh-e-'adam meñ ġhāfil gard-e-safar nahīñ hai

kyā gomago haiñ ai dil isrār-e-be-ḳhudī bhī

sab ko ḳhabar hai mujh ko apnī ḳhabar nahīñ hai

duniyā se jā rahe ho kyā le ke ai 'nazar' tum

zād-e-safar nahīñ hai raḳht-e-safar nahīñ hai

sun lo ki rang-e-mahfil kuchh mo'atabar nahin hai

hai ek zaban goya sham’-e-sahr nahin hai

muddat se DhunDhta hun milta magar nahin hai

wo ek sukun-e-KHatir jo besh-tar nahin hai

ho lakh chaara-sazi lekin asar nahin hai

han dar-kHur-e-mudawa zaKHm-e-jigar nahin hai

dil tha to ho raha tha ehsas-e-zindagi bhi

zinda hun ab ki murda mujh ko KHabar nahin hai

parda uTha de ek din tu ai hijab-e-hasti

pata hun us ko dil mein dekha magar nahin hai

marne pe jism-e-KHaki kya sath ruh ka de

rah-e-'adam mein ghafil gard-e-safar nahin hai

kya gomago hain ai dil israr-e-be-KHudi bhi

sab ko KHabar hai mujh ko apni KHabar nahin hai

duniya se ja rahe ho kya le ke ai 'nazar' tum

zad-e-safar nahin hai raKHt-e-safar nahin hai