bahr-e-hasti mein hamiyat sohbat-e-ahbab

bahr-e-hastī meñ hamīyat sohbat-e-ahbāb

yuuñ hai jaise barū-e-āb-e-habāb

bāda-e-nāb kiyā hai kHūn-e-jigar

zardī-e-rañg hai shab-e-mahtāb

jis ko raqs-o-surūd kahte haiñ

vo bhī hai ik havā-e-ḳhana-ḳharāb

'umr kahte haiñ jis ko vo kyā hai

misl-e-tahrīr mauj-e-naqsh bar-āb

jism kyā ruuh kī hai jolā nigāh

ruuh kyā ik savār-e-pā ba-rikāb

husn aur 'ishq kyā haiñ ye bhī haiñ

kHatfa-e-barq-o-qatra-e-sīmāb

zindagānī-o-marg bhī kyā haiñ

ek misl-e-kHayāl-o-dīgar ḳhvāb

fursat-e-’umr qatra-e-shabnam

vasl-e-mahbūb gauhar-e-nāyāb

kyuuñ na 'ishrat do chand ho jo hai

yār-e-mah-chehra aur shab-e-mahtāb

sab kitāboñ ke khul ga.e mā'nī

jab se dekhī 'nazīr' dil kī kitāb

bahr-e-hasti mein hamiyat sohbat-e-ahbab

yun hai jaise baru-e-ab-e-habab

baada-e-nab kiya hai kHun-e-jigar

zardi-e-rang hai shab-e-mahtab

jis ko raqs-o-surud kahte hain

wo bhi hai ek hawa-e-KHana-KHarab

'umr kahte hain jis ko wo kya hai

misl-e-tahrir mauj-e-naqsh bar-ab

jism kya ruh ki hai jola nigah

ruh kya ek sawar-e-pa ba-rikab

husn aur 'ishq kya hain ye bhi hain

kHatfa-e-barq-o-qatra-e-simab

zindagani-o-marg bhi kya hain

ek misl-e-kHayal-o-digar KHwab

fursat-e-’umr qatra-e-shabnam

wasl-e-mahbub gauhar-e-nayab

kyun na 'ishrat do chand ho jo hai

yar-e-mah-chehra aur shab-e-mahtab

sab kitabon ke khul gae ma'ni

jab se dekhi 'nazir' dil ki kitab