nigah wale na kuchh panw sar ko dekhte hain

nigāh vaale na kuchh paañv sar ko dekhte haiñ

vo tarz-e-dīda-e-īñ nazar ko dekhte haiñ

kisī ke ham nahīñ aib-o-hunar ko dekhte haiñ

bashar ko dekhte haiñ haañ bashar ko dekhte haiñ

jasad ko phūñk hī dete haiñ sūrat-e-haizam

janāb-e-’ishq na kuchh ḳhushk-o-tar ko dekhte haiñ

jo un ke tīr-e-nigah chalte haiñ to hasrat se

kabhī to dil ko kabhī ham jagah ko dekhte haiñ

ḳhudā kā zikr jab aa jaatā hai to hairat se

ham aur vo ta.ajjub se ghar ko dekhte haiñ

jo lā-makāñ the mash.hūr vo makāñ meñ mile

ham aur vo ta.ajjub se ghar ko dekhte haiñ

ḳhudā-parast kahe koī but-parast kahe

ye 'ulvī' ham to jamāl-e-bashar ko dekhte haiñ

nigah wale na kuchh panw sar ko dekhte hain

wo tarz-e-dida-e-in nazar ko dekhte hain

kisi ke hum nahin aib-o-hunar ko dekhte hain

bashar ko dekhte hain han bashar ko dekhte hain

jasad ko phunk hi dete hain surat-e-haizam

janab-e-’ishq na kuchh KHushk-o-tar ko dekhte hain

jo un ke tir-e-nigah chalte hain to hasrat se

kabhi to dil ko kabhi hum jagah ko dekhte hain

KHuda ka zikr jab aa jata hai to hairat se

hum aur wo tajjub se ghar ko dekhte hain

jo la-makan the mashhur wo makan mein mile

hum aur wo tajjub se ghar ko dekhte hain

KHuda-parast kahe koi but-parast kahe

ye 'ulwi' hum to jamal-e-bashar ko dekhte hain