us but-e-kafir ke dar pe ab to jaana hi paDa

us but-e-kāfir ke dar pe ab to jaanā hī paḌā

ho gayā hai bas ḳhafā mujh ko manānā hī paḌā

le gayā dil chhīn kar āñkheñ milāte hī miyāñ

furqat-e-dil-dār meñ aañsū bahānā hī paḌā

kyā karūñ kis se kahūñ suntā nahīñ fariyād ko

kūcha-e-hamdam meñ ab to ġhul machānā hī paḌā

pahuñchī sadā kānoñ meñ jab bāhar vo aayā māh-e-laqā

ab pa.e tā'zīm mujh ko sar jhukānā hī paḌā

kaun hai kyā kaam hai kyuuñ raat ko aayā yahāñ

sab mohalle vāloñ ko ab to jagānā hī paḌā

ġhair kī mahfil meñ jā kar karte haiñ ’aish-o-surūr

mujh ko is ġhairat se yaaro mar to jaanā hī paḌā

zindagī kā kuchh mazā mutlaq nahīñ mujh ko 'niyāz'

maut to aatī nahīñ ab zahar khānā hī paḌā

us but-e-kafir ke dar pe ab to jaana hi paDa

ho gaya hai bas KHafa mujh ko manana hi paDa

le gaya dil chhin kar aankhen milate hi miyan

furqat-e-dil-dar mein aansu bahana hi paDa

kya karun kis se kahun sunta nahin fariyaad ko

kucha-e-hamdam mein ab to ghul machana hi paDa

pahunchi sada kanon mein jab bahar wo aaya mah-e-laqa

ab pae ta'zim mujh ko sar jhukana hi paDa

kaun hai kya kaam hai kyun raat ko aaya yahan

sab mohalle walon ko ab to jagana hi paDa

ghair ki mahfil mein ja kar karte hain ’aish-o-surur

mujh ko is ghairat se yaro mar to jaana hi paDa

zindagi ka kuchh maza mutlaq nahin mujh ko 'niyaz'

maut to aati nahin ab zahar khana hi paDa