dilbar se dil ko phansa baiThe hain

dilbar se dil ko phañsā baiThe haiñ

nainoñ se naināñ laḌā baiThe haiñ

chāhe mujh ko jaane yā na jaane vo

magar ham to dil se fidā baiThe haiñ

kiyā jām-e-vahdat kā maiñ ne talab

to bolā miyāñ ham pilā baiThe haiñ

na jā.ūñgā maiñ juz vasl ai sanam

tere dar pe dhūnī ramā baiThe haiñ

hue terī ulfat meñ badnām ham

bahut ranj-o-ġham aap uThā baiThe haiñ

tere nām-e-aqdas pe ai jān-e-man

sabhī māl-o-zar ghar luTā baiThe haiñ

ḳhatm kar 'niyāz' ab to jaldī ġhazal

ye mazmūn-e-shīrīñ sunā baiThe haiñ

dilbar se dil ko phansa baiThe hain

nainon se nainan laDa baiThe hain

chahe mujh ko jaane ya na jaane wo

magar hum to dil se fida baiThe hain

kiya jam-e-wahdat ka main ne talab

to bola miyan hum pila baiThe hain

na jaunga main juz wasl ai sanam

tere dar pe dhuni rama baiThe hain

hue teri ulfat mein badnam hum

bahut ranj-o-gham aap uTha baiThe hain

tere nam-e-aqdas pe ai jaan-e-man

sabhi mal-o-zar ghar luTa baiThe hain

KHatm kar 'niyaz' ab to jaldi ghazal

ye mazmun-e-shirin suna baiThe hain