aadam banaya tu ne hawwa banai tu ne

aadam banāyā tū ne havvā banā.ī tū ne

putlā banāyā tū ne phir jaan paa.ī tū ne

iblīs ko kahā tū kar sajda sidaq dil se

us kā qusūr kyā thā ġhaflat karā.ī tū ne

shakl-e-husain ho kar darja-e-kamāl paayā

phir ban yazīd zālim ḳhanjar chalā.ī tū ne

mansūr se huvaidā huā thā raaz terā

fauran pakaḌ ke us ko suulī dikhā.ī tū ne

shams kī kyā ḳhatā thī aa khaal kyuuñ utārī

āvāz qum-bi-iznī us dam sunā.ī tū ne

muusā behosh huā kahtā thā rabbe-arenī

āvāz lan-tarānī koh meñ sunā.ī tū ne

kahīñ ho ke shān-e-qādir kahīñ ho ke shān-e-ḳhvāja

kahīñ ban murīd sādiq gardan jhukā.ī tū ne

ab ye batā to mujh ko jā.ūñ maiñ kis taraf ko

ka.aba banāyā tū ne gañgā banā.ī tū ne

masjid-o-but-kada meñ rāz-o-‘niyāz’ terā

ahad se ho ke ahmad sūrat dikhā.ī tū ne

aadam banaya tu ne hawwa banai tu ne

putla banaya tu ne phir jaan pai tu ne

iblis ko kaha tu kar sajda sidaq dil se

us ka qusur kya tha ghaflat karai tu ne

shakl-e-husain ho kar darja-e-kamal paya

phir ban yazid zalim KHanjar chalai tu ne

mansur se huwaida hua tha raaz tera

fauran pakaD ke us ko suli dikhai tu ne

shams ki kya KHata thi aa khaal kyun utari

aawaz qum-bi-izni us dam sunai tu ne

musa behosh hua kahta tha rabbe-areni

aawaz lan-tarani koh mein sunai tu ne

kahin ho ke shan-e-qadir kahin ho ke shan-e-KHwaja

kahin ban murid sadiq gardan jhukai tu ne

ab ye bata to mujh ko jaun main kis taraf ko

kaba banaya tu ne ganga banai tu ne

masjid-o-but-kada mein raaz-o-‘niyaz’ tera

ahad se ho ke ahmad surat dikhai tu ne