ghairon ki mahfil mein jaana nahin tha

ġhairoñ kī mahfil meñ jaanā nahīñ thā

mirī jaañ mirā dil dukhānā nahīñ thā

agar mujh se milne se nafrat hai pyāre

to pahle hī ulfat baḌhānā nahīñ thā

taḌaptā huuñ be-dil ḳhabar le masīhā

marīz-e-’ishq kiyā jalānā nahii. thā

maiñ 'āshiq tirā bā-vafā ai piyā huuñ

mujhe dar-badar pe rulānā nahīñ thā

mirā nāma-e-ulfat jo pahuñchā thā tujh ko

'adū ko ye paḌh kar sunānā nahīñ thā

kahūñ kis ko jā kar maiñ dil kī haqīqat

ye furqat meñ mujh ko jalānā nahīñ thā

'niyāz' ab tirī yaad meñ dam-badam hai

use pyāre dil se bhulānā nahīñ thā

ghairon ki mahfil mein jaana nahin tha

meri jaan mera dil dukhana nahin tha

agar mujh se milne se nafrat hai pyare

to pahle hi ulfat baDhana nahin tha

taDapta hun be-dil KHabar le masiha

mariz-e-’ishq kiya jalana nahi tha

main 'ashiq tera ba-wafa ai piya hun

mujhe dar-badar pe rulana nahin tha

mera nama-e-ulfat jo pahuncha tha tujh ko

'adu ko ye paDh kar sunana nahin tha

kahun kis ko ja kar main dil ki haqiqat

ye furqat mein mujh ko jalana nahin tha

'niyaz' ab teri yaad mein dam-badam hai

use pyare dil se bhulana nahin tha