غیروں کی محفل میں جانا نہیں تھا

غیروں کی محفل میں جانا نہیں تھا

مری جاں مرا دل دکھانا نہیں تھا

اگر مجھ سے ملنے سے نفرت ہے پیارے

تو پہلے ہی الفت بڑھانا نہیں تھا

تڑپتا ہوں بے دل خبر لے مسیحا

مریض عشق کیا جلانا نہیں تھا

میں عاشق ترا با وفا اے پیا ہوں

مجھے در بدر پہ رلانا نہیں تھا

مرا نامۂ الفت جو پہنچا تھا تجھ کو

عدو کو یہ پڑھ کر سنانا نہیں تھا

کہوں کس کو جا کر میں دل کی حقیقت

یہ فرقت میں مجھ کو جلانا نہیں تھا

نیازؔ اب تری یاد میں دمبدم ہے

اسے پیارے دل سے بھلانا نہیں تھا