ya muhiuddin mujhko shauq hai didar ka

yā muhi.ūddīn mujh ko shauq hai dīdār kā

hai basā āñkhoñ meñ naqsha aap ke darbār kā

chashm-e-giryāñ dil hai bariyāñ hijr meñ tere shahā

dam laboñ par aa gayā hai aap ke bīmār kā

bahr-e-’isyāñ meñ huuñ Duubā al-madad yā ġhaus-e-pāk

sun lo tā-ki ġhaur se is banda-e-nā-chār kā

na huuñ suufī na huuñ aalim na huuñ zāhid pārsā

maiñ sag-e-nāpāk huuñ bas aap ke darbār kā

ho valī mahbūb-e-haq zer-e-qadam sab auliyā

dosh pe tere qadam hai ahmad-e-muḳhtār kā

dushmanoñ kā fikr-e-ġham mujh ko nahīñ mutlaq 'niyāz'

haath meñ qabza hai mere qādrī talvār kā

ya muhiuddin mujh ko shauq hai didar ka

hai basa aankhon mein naqsha aap ke darbar ka

chashm-e-giryan dil hai bariyan hijr mein tere shaha

dam labon par aa gaya hai aap ke bimar ka

bahr-e-’isyan mein hun Duba al-madad ya ghaus-e-pak

sun lo ta-ki ghaur se is banda-e-na-chaar ka

na hun sufi na hun aalim na hun zahid parsa

main sag-e-napak hun bas aap ke darbar ka

ho wali mahbub-e-haq zer-e-qadam sab auliya

dosh pe tere qadam hai ahmad-e-muKHtar ka

dushmanon ka fikr-e-gham mujh ko nahin mutlaq 'niyaz'

hath mein qabza hai mere qadri talwar ka