خدا جانے یہ کس شہر اندر ہمن کو لا دے ڈالا ہے

خدا جانے یہ کس شہر اندر ہمن کو لا دے ڈالا ہے

نہ دلبر ہے نہ ساقی ہے نہ شیشہ ہے نہ پیالہ ہے

پیا کے نام کی سمرن کیا چاہوں کروں کیسے

نہ تسبیح ہے نہ سمرن ہے نہ کنٹھی ہے نہ مالا ہے

پیا کے نام عاشق کون قتل با عجب دیکھوں ہوں

نہ برچھی ہے نہ کرچھی ہے نہ خنجر ہے نہ بھالا ہے

خوباں کے باغ میں رونق ہووے تو کس طرح یاراں

نہ دونا ہے نہ مروا ہے نہ سوسن ہے نہ لالا ہے

برہمنؔ واسطے اشنان کے پھرتا ہے بگیا سین

نہ گنگا ہے نہ جمنا ہے نہ ندی ہے نہ نالا ہے