bhej kar hazaron ko kaam kuchh na bar aaya

bhej kar hazāroñ ko kaam kuchh na bar aayā

naam le ke ahmad kā yaar ḳhud utar aayā

pūchhte ho kyā un ko yaar kā bahāna thā

yaar thā vo yāroñ meñ tum ko kyā nazar aayā

sar paTak ke rote haiñ aaj tak madīna meñ

ham ko ye nahīñ mā'lūm kaun thā kidhar aayā

ek shab ga.e the vo sair kar ke aane ko

kā milo zarā samjho kyā vahāñ nazar aayā

aaj tak bhī hai maujūd dekho sar aadam meñ

nuur ban ke vahdat se nukta nazar aayā

‘pīr’ ke tasavvur meñ un kā hī nazāra hai

har makāñ meñ un kā hī lā-makāñ nazar aayā

bhej kar hazaron ko kaam kuchh na bar aaya

nam le ke ahmad ka yar KHud utar aaya

puchhte ho kya un ko yar ka bahana tha

yar tha wo yaron mein tum ko kya nazar aaya

sar paTak ke rote hain aaj tak madina mein

hum ko ye nahin ma'lum kaun tha kidhar aaya

ek shab gae the wo sair kar ke aane ko

ka milo zara samjho kya wahan nazar aaya

aaj tak bhi hai maujud dekho sar aadam mein

nur ban ke wahdat se nukta nazar aaya

‘pir’ ke tasawwur mein un ka hi nazara hai

har makan mein un ka hi la-makan nazar aaya