kiya har nafs ko zinda saqi mujhe pila ke

kiyā har nafs ko zinda saaqī mujhe pilā ke

har dam na lā rahā hai kalima paḌhā paḌhā ke

tū bhī salāmat terā mai-kada bhī saaqī

tū ne de diyā ḳhudā.ī mujhe bhī ḳhudā banā ke

tere husn kī badaulat tere 'ishq kī fazīlat

merā dil huā hai raushan tere anjuman meñ aa ke

ye sharābiyoñ kī mahfil baḌe kaam kī hai saaqī

ga.e yuuñ to lākhoñ pī kar vo ḳhudā nabī ko pā ke

kaho zāhidoñ se jākar kabhī mai-kada na aa.eñ

ye maqām-e-’āshiqāñ hai tumheñ kyā milegā jā ke

mile hai qadīr jab se mujhe dard-o-ġham nahīñ hai

maiñ karūñgā un ko sajde unheñ rū-ba-rū biThā ke

ye karam hai piir un kā kiye sarfarāz ham ko

tum bano nabī ḳhudā ab vo fasāne ko sunā ke

kiya har nafs ko zinda saqi mujhe pila ke

har dam na la raha hai kalima paDha paDha ke

tu bhi salamat tera mai-kada bhi saqi

tu ne de diya KHudai mujhe bhi KHuda bana ke

tere husn ki badaulat tere 'ishq ki fazilat

mera dil hua hai raushan tere anjuman mein aa ke

ye sharabiyon ki mahfil baDe kaam ki hai saqi

gae yun to lakhon pi kar wo KHuda nabi ko pa ke

kaho zahidon se jakar kabhi mai-kada na aaen

ye maqam-e-’ashiqan hai tumhein kya milega ja ke

mile hai qadir jab se mujhe dard-o-gham nahin hai

main karunga un ko sajde unhen ru-ba-ru biTha ke

ye karam hai pir un ka kiye sarfaraaz hum ko

tum bano nabi KHuda ab wo fasane ko suna ke