ہر سانس میری یا رب تجھ کو ہی پکاری ہے

ہر سانس میری یا رب تجھ کو ہی پکاری ہے

یوں یادِ الٰہی میں ایک عمر گزاری ہے

ہم عاشقِ صادق ہیں اس نورِ مجسم کے

یہ دوزخ جنت کیا ہر چیز ہماری ہے

پی کر مئے الفت کو تم بھی تو کبھی دیکھو

عقبیٰ بھی تمہارا ہے، دنیا بھی تمہاری ہے

یہ کعبہ کلیسا ہو یا دیر و حرم ساقی

کیا کام کسی سے اب جب یار سے یاری ہے

کیا خوف قدیراللہ جو تیرے دیوانے ہیں

دامن بھی تمہارا ہے، قدرت بھی تمہاری ہے

یہ پیرؔ کے در سے ہی ہر چیز ملی ہم کو

بس ان کی محبت ہی سو جان سے پیاری ہے