har sans meri ya rab tujhko hi pukari hai

har saañs merī yā rab tujh ko hī pukārī hai

yuuñ yād-e-ilāhī meñ ek 'umr guzārī hai

ham 'āshiq-e-sādiq haiñ is nūr-e-mujassam ke

ye dozaḳh jannat kyā har chiiz hamārī hai

pī kar mai-e-ulfat ko tum bhī to kabhī dekho

'uqbā bhī tumhārā hai duniyā bhī tumhārī hai

ye kā’ba kalīsā ho yā dair-o-haram saaqī

kyā kaam kisī se ab jab yaar se yaarī hai

kyā ḳhauf-e-qadīrullāh jo tere dīvāne haiñ

dāman bhī tumhārā hai qudrat bhī tumhārī hai

ye 'pīr' ke dar se hī har chiiz milī ham ko

bas un kī mohabbat hī sau jaan se pyārī hai

har sans meri ya rab tujh ko hi pukari hai

yun yaad-e-ilahi mein ek 'umr guzari hai

hum 'ashiq-e-sadiq hain is nur-e-mujassam ke

ye dozaKH jannat kya har chiz hamari hai

pi kar mai-e-ulfat ko tum bhi to kabhi dekho

'uqba bhi tumhaara hai duniya bhi tumhaari hai

ye ka’ba kalisa ho ya dair-o-haram saqi

kya kaam kisi se ab jab yar se yari hai

kya KHauf-e-qadirullah jo tere diwane hain

daman bhi tumhaara hai qudrat bhi tumhaari hai

ye 'pir' ke dar se hi har chiz mili hum ko

bas un ki mohabbat hi sau jaan se pyari hai