saqiya har rang mein yakta bana dena mujhe

sāqiyā har rañg meñ yaktā banā denā mujhe

har nafas ke taar meñ terā pata denā mujhe

tere mai-ḳhāna meñ pī kar mast huuñ maiñ aaj tak

aur kuchh saaqī agar hai to pilā denā mujhe

us but-e-kāfir kī manzil kā pata to mil gayā

lā-makāñ kī āḳhirī manzil dikhā denā mujhe

'ishq kī manzil meñ jā kar āshiyāna jal gayā

husn ke rañgīñ chaman meñ hī basā denā mujhe

dard dil kī dāstāñ paḌh kar sunā.ūñ kyā tumheñ

ai nakīro jaao tum un se milā denā mujhe

'ishq terā nuur terā tū hai sab zāt-o-sifat

kaun hai mujrim batā kar to sazā denā mujhe

ho gayā jo kuchh bhī honā thā muqaddar kā likhā

dosto do phuul marqad pe chaḌhā denā mujhe

man qadīrullāh kā hai tan rasūlullāh kā

ātish-e-dozaḳh zarā ab to jalā denā mujhe

yaad rakho bhuul na jaanā kahnā piir kā

dam-ba-dam kalima mohammad kā sunā denā mujhe

saqiya har rang mein yakta bana dena mujhe

har nafas ke tar mein tera pata dena mujhe

tere mai-KHana mein pi kar mast hun main aaj tak

aur kuchh saqi agar hai to pila dena mujhe

us but-e-kafir ki manzil ka pata to mil gaya

la-makan ki aaKHiri manzil dikha dena mujhe

'ishq ki manzil mein ja kar aashiyana jal gaya

husn ke rangin chaman mein hi basa dena mujhe

dard dil ki dastan paDh kar sunaun kya tumhein

ai nakiro jao tum un se mila dena mujhe

'ishq tera nur tera tu hai sab zat-o-sifat

kaun hai mujrim bata kar to saza dena mujhe

ho gaya jo kuchh bhi hona tha muqaddar ka likha

dosto do phul marqad pe chaDha dena mujhe

man qadirullah ka hai tan rasulullah ka

aatish-e-dozaKH zara ab to jala dena mujhe

yaad rakho bhul na jaana kahna pir ka

dam-ba-dam kalima mohammad ka suna dena mujhe