aaj mil kar bhi un se na kuchh baat ki

aaj mil kar bhī un se na kuchh baat kī

haa.e majbūriyāñ mere hālāt kī

sub.h ko baḳhsh dī jo bachī raat kī

ye 'ināyat hai pīr-e-ḳharābāt kī

tez-tar kyuuñ na ho sho'la-e-ārzū

hijr kī raat phir vo bhī barsāt kī

allāh allāh majāz-e-haqīqat-e-numā

vo bashar hai ki tasvīr hai zaat kī

vo jo ḳhud-dār hai maiñ burā kyuuñ kahūñ

is sifat meñ jhalak hai mirī zaat kī

hāsil-e-zindagī 'ishq kā mā-hasal

chand ghaḌiyāñ vo un se mulāqāt kī

shukr kar us kā shikvā 'nasīr' ab na kar

kal vo aayā muḳhātab huā baat kī

ai 'nasīr' un ko apnā banā leñge ham

koī sūrat to nikle mulāqāt kī

aaj mil kar bhi un se na kuchh baat ki

hae majburiyan mere haalat ki

subh ko baKHsh di jo bachi raat ki

ye 'inayat hai pir-e-KHarabaat ki

tez-tar kyun na ho sho'la-e-arzu

hijr ki raat phir wo bhi barsat ki

allah allah majaz-e-haqiqat-e-numa

wo bashar hai ki taswir hai zat ki

wo jo KHud-dar hai main bura kyun kahun

is sifat mein jhalak hai meri zat ki

hasil-e-zindagi 'ishq ka ma-hasal

chand ghaDiyan wo un se mulaqat ki

shukr kar us ka shikwa 'nasir' ab na kar

kal wo aaya muKHatab hua baat ki

ai 'nasir' un ko apna bana lenge hum

koi surat to nikle mulaqat ki