Than li maine bhi saqi yahin mar jaane ki

Thaan lī maiñ ne bhī saaqī yahīñ mar jaane kī

kitnī dilkash haiñ fazā.eñ tere mai-ḳhāne kī

vaah kyā ḳhuub nishānī hai ye mai-ḳhāne kī

dil meñ tasvīr khiñchī rahtī hai paimāne kī

sirf ġham ḳhāk-basar chāk-e-garebāñ muztar

qābil-e-rahm hai sūrat tere dīvāne kī

chāñd badlī meñ dekhā to mujhe yaad aayā

us meñ bhī ek jhalak hai tire sharmāne kī

yaad aatī haiñ kisī kī vo nashīlī āñkheñ

dekh kar shakl chhalakte hue paimāne kī

naza.a ke vaqt mubādā koī ilzām aa jaa.e

us ghaḌī aap na taklīf kareñ aane kī

tū salāmat rahe gulshan kī bahāreñ dekhe

ye duā hai dam-e-āḳhir tere dīvāne kī

rind-e-bad-mast kī tauba bhī koī tauba hai

TuuT jā.egī chhalak dekh ke paimāne kī

maiñ vo zarra huuñ jo hai mehr-e-alī se raushan

kis qadar mujh pe ināyat mere maulā ne kī

aag kā rizq hai vo soḳhta qismat bhī 'nasīr'

sham-e-tasvīr hai jalte hue parvāne kī

Than li main ne bhi saqi yahin mar jaane ki

kitni dilkash hain fazaen tere mai-KHane ki

wah kya KHub nishani hai ye mai-KHane ki

dil mein taswir khinchi rahti hai paimane ki

sirf gham KHak-basar chaak-e-gareban muztar

qabil-e-rahm hai surat tere diwane ki

chand badli mein dekha to mujhe yaad aaya

us mein bhi ek jhalak hai tere sharmane ki

yaad aati hain kisi ki wo nashili aankhen

dekh kar shakl chhalakte hue paimane ki

naza ke waqt mubaada koi ilzam aa jae

us ghaDi aap na taklif karen aane ki

tu salamat rahe gulshan ki bahaaren dekhe

ye dua hai dam-e-aKHir tere diwane ki

rind-e-bad-mast ki tauba bhi koi tauba hai

TuT jaegi chhalak dekh ke paimane ki

main wo zarra hun jo hai mehr-e-ali se raushan

kis qadar mujh pe inayat mere maula ne ki

aag ka rizq hai wo soKHta qismat bhi 'nasir'

sham-e-taswir hai jalte hue parwane ki