Sufinama

tumhein dil-lagi bhul jaani paDegi mohabbat ki rahon mein aa kar to dekho

Purnam Allahabadi

tumhein dil-lagi bhul jaani paDegi mohabbat ki rahon mein aa kar to dekho

Purnam Allahabadi

MORE BYPurnam Allahabadi

    tumheñ dil-lagī bhuul jaanī paḌegī mohabbat rāhoñ meñ aa kar to dekho

    taḌapne se mere na phir tum hañsoge kabhī dil kisī se lagā kar to dekho

    vafāoñ ham se tavaqqo.a nahīñ hai magar ek baar aazmā kar to dekho

    zamāne ko apnā banā kar to dekhā hameñ bhī tum apnā banā kar to dekho

    ḳhudā ke liye chhoḌ do ab ye parda ki haiñ aaj ham tum nahīñ ġhair koī

    shab-e-vasl bhī hai hijāb is qadar kyuuñ zarā ruḳh se āñchal uThā kar to dekho

    jafā.eñ bahut kiiñ bahut zulm Dhaa.e kabhī ik nigāh-e-karam is taraf bhī

    hamesha hue dekh kar mujh ko barham kisī din zarā muskurā kar to dekho

    jo ulfat meñ har ik sitam hai gavārā ye sab kuchh hai pās-e-vafā tum se varna

    satāte ho din-rāt jis tarh mujh ko kisī ġhair ko yuuñ satā kar to dekho

    agarche kisī baat par vo ḳhafā haiñ to achchhā yahī hai tum apnī kar lo

    vo maane na maane ye marzī hai un magar un ko 'purnam' manā kar to dekho

    tumhein dil-lagi bhul jaani paDegi mohabbat ki rahon mein aa kar to dekho

    taDapne se mere na phir tum hansoge kabhī dil kisi se laga kar to dekho

    wafaon ki hum se tawaqqoa nahin hai magar ek bar aazma kar to dekho

    zamane ko apna bana kar to dekha hamein bhi tum apna bana kar to dekho

    KHuda ke liye chhoD do ab ye parda ki hain aaj hum tum nahin ghair koi

    shab-e-wasl bhi hai hijab is qadar kyun zara ruKH se aanchal uTha kar to dekho

    jafaen bahut kin bahut zulm Dhae kabhī ek nigah-e-karam is taraf bhi

    hamesha hue dekh kar mujh ko barham kisi din zara muskura kar to dekho

    jo ulfat mein har ek sitam hai gawara ye sab kuchh hai pas-e-wafa tum se warna

    satate ho din-raat jis tarh mujh ko kisi ghair ko yun sata kar to dekho

    agarche kisi baat par wo KHafa hain to achchha yahī hai tum apnī si kar lo

    wo mane na mane ye marzi hai un ki magar un ko 'purnam' mana kar to dekho

    Videos
    This video is playing from YouTube

    Videos
    This video is playing from YouTube

    Nusrat Fateh Ali Khan

    Nusrat Fateh Ali Khan

    Source :
    • Book : Phool Dekhe Na Gaye (Pg. 125)
    • Author : Purnam Allahabadi
    • Publication : Alhamd Publisher, Lahaur
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY