mera gham aur meri har KHushi tum se hai

merā ġham aur merī har ḳhushī tum se hai

jān-e-man ye merī zindagī tum se hai

ai merī jān-e-jāñ ai merī mehrbāñ

tum se rañgīn haiñ ye zamīñ āsmāñ

tum se ābād hai mere dil kā jahāñ

tum merā chāñd ho chāñdī tum se hai

tū nishānī mohabbat kī manzil kī hai

tere dam se hasīñ anjuman dil kī hai

saarī raunaq tumhī se ye mahfil kī hai

sham.a-e-mahfil ho tum raushnī tum se hai

faisla hai yahī baat hai ye aTal

husn vāloñ meñ terā nahīñ hai badal

giit kā husn ho tum ho jān-e-ġhazal

shā'iroñ kī hasīñ shā'irī tum se hai

mera gham aur meri har KHushi tum se hai

jaan-e-man ye meri zindagi tum se hai

ai meri jaan-e-jaan ai meri mehrban

tum se rangin hain ye zamin aasman

tum se aabaad hai mere dil ka jahan

tum mera chand ho chandi tum se hai

tu nishani mohabbat ki manzil ki hai

tere dam se hasin anjuman dil ki hai

sari raunaq tumhi se ye mahfil ki hai

shama-e-mahfil ho tum raushni tum se hai

faisla hai yahi baat hai ye aTal

husn walon mein tera nahin hai badal

git ka husn ho tum ho jaan-e-ghazal

sha'iron ki hasin sha'iri tum se hai