qatil ko hai zom-e-chaara-gari ab dard-e-nihan ki KHair nahin

qātil ko hai zo'm-e-chāra-garī ab dard-e-nihāñ kī ḳhair nahīñ

vo mujh pe karam farmāne lage shāyad mirī jaañ kī ḳhair nahīñ

utrā vo kHumār-e-bāda-e-ġham rindoñ ko huā idrāk-e-sitam

khulne ko hai mai-ḳhāne kā bharam ab pīr-e-muġhāñ kī ḳhair nahīñ

ab tak to karam kī nazroñ ne har fitna-e-daurāñ rok liyā

ab dosh pe zulfeñ barham haiñ ab nazm-e-jahāñ kī ḳhair nahīñ

sochā hai 'shakīl' un ke dil ko maiñ fat.h karūñgā sajdoñ se

yā merī jabīñ kī ḳhair nahīñ yā kū-e-butāñ kī ḳhair nahīñ

qatil ko hai zo'm-e-chaara-gari ab dard-e-nihan ki KHair nahin

wo mujh pe karam farmane lage shayad meri jaan ki KHair nahin

utra wo kHumar-e-baada-e-gham rindon ko hua idrak-e-sitam

khulne ko hai mai-KHane ka bharam ab pir-e-mughan ki KHair nahin

ab tak to karam ki nazron ne har fitna-e-dauran rok liya

ab dosh pe zulfen barham hain ab nazm-e-jahan ki KHair nahin

socha hai 'shakil' un ke dil ko main fath karunga sajdon se

ya meri jabin ki KHair nahin ya ku-e-butan ki KHair nahin