jazb hua hai but-kada sahar-e-tajalliyat mein

jazb huā hai but-kada sahar-e-tajalliyāt meñ

ka.abe meñ somnāt hai ka.aba hai somnāt meñ

paikar-e-kā.ināt meñ jab hai vo paikar-e-sukūñ

mahshar-e-iztirāb kyuuñ sīna-e-kā.ināt meñ

hashr-e-taġhayyurāt hai us ke liye sarāb-e-mahz

jis ko nasīb hai sabāt hashr-e-taġhayyurāt meñ

vahm ko chhoḌ do agar fahm se kaam lo agar

gañg meñ bhī furāt hai gañg bhī hai furāt meñ

hastī-e-kam-sabāt bhī āḳhīr-kār kuchh to hai

maan liyā ki kuchh nahīñ hastī-e-kam-sabāt meñ

tuuhī zamīr-e-kā.ināt terī hī zaat asl zaat

ain-e-najāt ho ke tū kyuuñ hai ġham-e-najāt meñ

kaash ho tah-nashīñ kabhī 'qais' dil-e-pur-iztirāb

bahtā hī jā rahā hai ye bahr-e-takHayyulāt meñ

jazb hua hai but-kada sahar-e-tajalliyat mein

kabe mein somnat hai kaba hai somnat mein

paikar-e-kainat mein jab hai wo paikar-e-sukun

mahshar-e-iztirab kyun sina-e-kainat mein

hashr-e-taghayyuraat hai us ke liye sarab-e-mahz

jis ko nasib hai sabaat hashr-e-taghayyuraat mein

wahm ko chhoD do agar fahm se kaam lo agar

gang mein bhi furaat hai gang bhi hai furaat mein

hasti-e-kam-sabaat bhi aaKHir-kar kuchh to hai

man liya ki kuchh nahin hasti-e-kam-sabaat mein

tuhi zamir-e-kainat teri hi zat asl zat

ain-e-najat ho ke tu kyun hai gham-e-najat mein

kash ho tah-nashin kabhi 'qais' dil-e-pur-iztirab

bahta hi ja raha hai ye bahr-e-takHayyulat mein