ai meri jaan-e-tamanna baDi har jai hai tu

ai merī jān-e-tamannā baḌī har jaa.ī hai tū

ye haqīqat hai ki duniyā kī tamannā hai tū

yuuñ to kahne ko merī jaan hai dil-dār hai tū

ye haqīqat hai ki matlab kī parastār hai tū

dil merā le ke ye kiyā ai sitam ījād kiyā

mañ ne chāhā tujhe tū ne mujhe barbād kiyā

zaḳhm par zaḳhm diye dard se dil chuur kiyā

ġham-e-ulfat se mere siine ko mā'mūr kiyā

tujh se ummīd-e-vafā bhuul hai aur kuchh bhī nahīñ

ya'anī tū kāġhzī ik phuul hai aur kuchh bhī nahīñ

mujh se āñkheñ to milā kis liye sharmā.ī hai tū

ai merī jān-e-tamannā baḌī harjā.ī hai tū

sochtā thā terī fitrat meñ vafādārī hai

kyā ḳhabar thī ki mohabbat terī bāzārī hai

tū ne ai malika-e-rusvā.ī baḌā kaam kiyā

ḳhud bhī badnām huī mujh ko badnām kiyā

mujh ko apnāyā to phir mujh se ’adāvat kaisī

pyaar ke parde meñ paidā huī nafrat kaisī

kis liye merī mohabbat se yuuñ ghabrā.ī hai tū

ai merī jān-e-tamannā baḌī harjā.ī hai tū

tū sitam-gar nahīñ qātil nahīñ jallād nahīñ

kaun sā naam hai terā jo mujhe yaad nahīñ

terā ġham terī qasam jaan se bhī pyārā hai

terī ulfat ne ai harjā.ī mujhe maarā hai

tū ne kyā kyā na lagā.e haiñ vafā par ilzām

bāni-e-jaur-o-jafā aisī mohabbat ko salām

jaane kyā soch ke āmāda-e-rusvā.ī hai tū

ai merī jān-e-tamannā baḌī harjā.ī hai tū

ai meri jaan-e-tamanna baDi har jai hai tu

ye haqiqat hai ki duniya ki tamanna hai tu

yun to kahne ko meri jaan hai dil-dar hai tu

ye haqiqat hai ki matlab ki parastar hai tu

dil mera le ke ye kiya ai sitam ijad kiya

man ne chaha tujhe tu ne mujhe barbaad kiya

zaKHm par zaKHm diye dard se dil chur kiya

gham-e-ulfat se mere sine ko ma'mur kiya

tujh se ummid-e-wafa bhul hai aur kuchh bhi nahin

ya'ani tu kaghzi ek phul hai aur kuchh bhi nahin

mujh se aankhen to mila kis liye sharmai hai tu

ai meri jaan-e-tamanna baDi harjai hai tu

sochta tha teri fitrat mein wafadari hai

kya KHabar thi ki mohabbat teri bazari hai

tu ne ai malika-e-ruswai baDa kaam kiya

KHud bhi badnam hui mujh ko badnam kiya

mujh ko apnaya to phir mujh se ’adawat kaisi

pyar ke parde mein paida hui nafrat kaisi

kis liye meri mohabbat se yun ghabrai hai tu

ai meri jaan-e-tamanna baDi harjai hai tu

tu sitam-gar nahin qatil nahin jallad nahin

kaun sa nam hai tera jo mujhe yaad nahin

tera gham teri qasam jaan se bhi pyara hai

teri ulfat ne ai harjai mujhe mara hai

tu ne kya kya na lagae hain wafa par ilzam

bani-e-jaur-o-jafa aisi mohabbat ko salam

jaane kya soch ke aamada-e-ruswai hai tu

ai meri jaan-e-tamanna baDi harjai hai tu