suno ai mominon ramzan azmat ka mahina hai

suno ai mominoñ ramzān 'azmat kā mahīna hai

yaqīnan ḳhair-o-barkat aur rahmat kā mahīna hai

rasūlullāh par qur.ān utrā is mahīne meñ

nuzūl-e-fazl-e-ḳhāliq kā itā'at kā mahīna hai

zaqāt-o-roza ke arkān hote haiñ adā is meñ

saḳhāvat 'aam hotī hai saḳhāvat kā mahīna hai

hadīs-e-rahmatul-lil-'ālamīñ se saaf zāhir hai

yatīmoñ be-navāoñ par 'ināyat kā mahīna hai

munavvar nūr-e-īmāñ se ye kar detā hai sīnoñ ko

kHudā-e-pāk-o-bartar kī 'ibādat kā mahīna hai

'ibādat meñ karo kasrat savāboñ meñ bhī kasrat hai

karo yād-e-ḳhudā har dam riyāzat kā mahīna hai

suno ai mominon ramzan 'azmat ka mahina hai

yaqinan KHair-o-barkat aur rahmat ka mahina hai

rasulullah par quran utra is mahine mein

nuzul-e-fazl-e-KHaliq ka ita'at ka mahina hai

zaqat-o-roza ke arkan hote hain ada is mein

saKHawat 'am hoti hai saKHawat ka mahina hai

hadis-e-rahmatul-lil-'alamin se saf zahir hai

yatimon be-nawaon par 'inayat ka mahina hai

munawwar nur-e-iman se ye kar deta hai sinon ko

kHuda-e-pak-o-bartar ki 'ibaadat ka mahina hai

'ibaadat mein karo kasrat sawabon mein bhi kasrat hai

karo yaad-e-KHuda har dam riyazat ka mahina hai