jaan-e-bahaar mujhe tujhse pyar hai

jān-e-bahār mujhe tujh se pyaar hai

terī ḳhātir Thukrā kar baiThā huuñ maiñ sansār

pyaar kā va'ada karne vaale bhuul na jaana

tujh ko qasam hai rāh-e-vafā meñ saath nibhānā

yaad ke jhoñke pichhlī pahar taḌpā dete haiñ

āg-sī ek siine meñ mere bhaḌkā dete haiñ

sach hai terī yaad meñ ab tak jiitā huuñ maiñ

ik muddat se ḳhūn-e-tamannā piitā huuñ mañ

koī nahīñ hamdard bharī duniyā meñ merā

ik muddat se basā hai dil meñ aas kā Derā

aa jā zālim aa jā ab hai terā intizār

jān-e-bahār mujhe tujh se hai pyaar

terī ḳhātir Thukrā kar baiThā huuñ maiñ sansār

dil meñ basne vaalā dil kā haal na jaane

hoñToñ pe ruk jaate haiñ ġham ke afsāne

kyā hogā anjām-e-vafā ye kab sochā thā

maiñ ne tujh ko apnā samajh kar hī chāhā thā

kis ko patā thā ġhairoñ sā bartāv karoge

yā'nī mere sar par har ilzām dharoge

jhūTe vā’de par dil ko bahlānā hogā

soch samajh kar bhī ye dhokā khānā hogā

phir bhī tere vā’doñ par karatā huuñ e'tibār

jān-e-bahār mujhe tujh se hai pyaar

terī ḳhātir Thukrā kar baiThā huuñ maiñ sansār

maiñ ne kahā martā huuñ tum par kyā hai irāda

nīm-tale milne kā ab to kar lo va'ada

miltā hai jab dil se dil rāhat hotī hai

duniyā meñ ek chiiz baḌī chāhat hotī hai

tum par marne vāloñ kī pahchān yahī hai

maano na maano 'qaisar' kā armān yahī hai

merī kahānī merī zabānī sun to lo ek baar

jān-e-bahār mujhe tujh se hai pyaar

terī ḳhātir Thukrā baiThā huuñ maiñ sansār

jaan-e-bahaar mujhe tujh se pyar hai

teri KHatir Thukra kar baiTha hun main sansar

pyar ka wa'ada karne wale bhul na jaana

tujh ko qasam hai rah-e-wafa mein sath nibhana

yaad ke jhonke pichhli pahar taDpa dete hain

aag-si ek sine mein mere bhaDka dete hain

sach hai teri yaad mein ab tak jita hun main

ek muddat se KHun-e-tamanna pita hun man

koi nahin hamdard bhari duniya mein mera

ek muddat se basa hai dil mein aas ka Dera

aa ja zalim aa ja ab hai tera intizar

jaan-e-bahaar mujhe tujh se hai pyar

teri KHatir Thukra kar baiTha hun main sansar

dil mein basne wala dil ka haal na jaane

honTon pe ruk jate hain gham ke afsane

kya hoga anjam-e-wafa ye kab socha tha

main ne tujh ko apna samajh kar hi chaha tha

kis ko pata tha ghairon sa bartaw karoge

ya'ni mere sar par har ilzam dharoge

jhuTe wa’de par dil ko bahlana hoga

soch samajh kar bhi ye dhoka khana hoga

phir bhi tere wa’don par karata hun e'tibar

jaan-e-bahaar mujhe tujh se hai pyar

teri KHatir Thukra kar baiTha hun main sansar

main ne kaha marta hun tum par kya hai irada

nim-tale milne ka ab to kar lo wa'ada

milta hai jab dil se dil rahat hoti hai

duniya mein ek chiz baDi chahat hoti hai

tum par marne walon ki pahchan yahi hai

mano na mano 'qaisar' ka arman yahi hai

meri kahani meri zabani sun to lo ek bar

jaan-e-bahaar mujhe tujh se hai pyar

teri KHatir Thukra baiTha hun main sansar