pi pi pi le zara jhum ke

pī pī pī le zarā jhuum ke

chhā.ī hai kaalī ghaTā nazreñ milā jaam uThā chuum ke

pī pī pī le zarā jhuum ke

aaj mausam baḌā suhānā hai

pī le piine kā ye zamāna hai

fikr-e-roz-e-hisāb rahne de

ḳhud ko ġharq-e-sharāb rahne de

kis ne dekhā hai kal kī baat na kar

ḳhud ko vaqf-e-takallufāt na kar

zindagī meñ ḳhumār paidā kar

ik nayā intishār paidā kar

chashm-e-sāqī se faizyāb hai tū

ye haqīqat hai kāmyāb hai to

merī nazroñ meñ lā-javāb hai tū

donoñ 'ālam kā intiḳhāb hai tū

pūchhtā huuñ mañ ik savāl tujhe

is ko hāsil hai yā kamāl tujhe

apne 'isyāñ kā hai ḳhayāl tujhe

baḳhsh degā vo zul-jalāl tujhe

kho gayā hai tū kahāñ dekh zarā

lauT bhī aa ghuum ke

pī pī pī le zarā jhuum ke

'aam kar daur-e-jām-o-mīnā ko

rakh na parde meñ is hasīna ko

band rakhne se rañg-o-bū jaa.e

parde parde meñ aabrū jaa.e

is ko kahte haiñ duḳhtar-e-añgūr

rahtī hai har ghaḌī nasha meñ chuur

aaj duniyā ko bol kar pī le

saarī fikroñ ko ghol kar pī le

aaj to pī ke chuur honā hai

saare 'ālam se duur honā hai

mast maḳhmūr sab zamāna hai

saarī duniyā sharāb-ḳhāna hai

hausle aur baḌhā aur baḌhā aur baḌhā

is dil-e-maġhmūm ke

pī pī pī le zarā jhuum ke

koī nasha meñ chuur daulat ke

koī nasha meñ chuur sīrat ke

koī nasha meñ chuur 'azmat ke

koī nasha meñ chuur tāqat ke

koī nasha meñ chuur ġhurbat ke

koī nasha meñ husn-o-sūrat ke

koī sāġhar uThā ke piitā hai

koī muñh se subū lagātā hai

sab amīr-o-ġharīb piite haiñ

sach ye hai ḳhush-nasīb piite haiñ

sochtā kyā hai pī jo piinā hai

chaar hī din to tujh ko jiinā hai

aaj aur kal kī baat hī kitnī

aadmī kī hayāt hī kitnī

zindagānī kā e'tibār nahīñ

maut par koī iḳhtiyār nahīñ

ġhair mumkin hai maut Tal jaa.e

jaane kis vaqt dam nikal jaa.e

chhoḌ duniyā ko kyā hai duniyā meñ

kaun kis kā huā hai duniyā meñ

log kis ko burā nahīñ kahte

apne vaale bhī chup nahīñ rahte

vaqt kā kar na gilā dekhtā jā

khel hai maqsūm ke

pī pī pī le zarā jhuum ke

pi pi pi le zara jhum ke

chhai hai kali ghaTa nazren mila jam uTha chum ke

pi pi pi le zara jhum ke

aaj mausam baDa suhana hai

pi le pine ka ye zamana hai

fikr-e-roz-e-hisab rahne de

KHud ko gharq-e-sharab rahne de

kis ne dekha hai kal ki baat na kar

KHud ko waqf-e-takallufat na kar

zindagi mein KHumar paida kar

ek naya intishaar paida kar

chashm-e-saqi se faizyab hai tu

ye haqiqat hai kaamyab hai to

meri nazron mein la-jawab hai tu

donon 'alam ka intiKHab hai tu

puchhta hun man ek sawal tujhe

is ko hasil hai ya kamal tujhe

apne 'isyan ka hai KHayal tujhe

baKHsh dega wo zul-jalal tujhe

kho gaya hai tu kahan dekh zara

lauT bhi aa ghum ke

pi pi pi le zara jhum ke

'am kar daur-e-jam-o-mina ko

rakh na parde mein is hasina ko

band rakhne se rang-o-bu jae

parde parde mein aabru jae

is ko kahte hain duKHtar-e-angur

rahti hai har ghaDi nasha mein chur

aaj duniya ko bol kar pi le

sari fikron ko ghol kar pi le

aaj to pi ke chur hona hai

sare 'alam se dur hona hai

mast maKHmur sab zamana hai

sari duniya sharab-KHana hai

hausle aur baDha aur baDha aur baDha

is dil-e-maghmum ke

pi pi pi le zara jhum ke

koi nasha mein chur daulat ke

koi nasha mein chur sirat ke

koi nasha mein chur 'azmat ke

koi nasha mein chur taqat ke

koi nasha mein chur ghurbat ke

koi nasha mein husn-o-surat ke

koi saghar uTha ke pita hai

koi munh se subu lagata hai

sab amir-o-gharib pite hain

sach ye hai KHush-nasib pite hain

sochta kya hai pi jo pina hai

chaar hi din to tujh ko jina hai

aaj aur kal ki baat hi kitni

aadmi ki hayat hi kitni

zindagani ka e'tibar nahin

maut par koi iKHtiyar nahin

ghair mumkin hai maut Tal jae

jaane kis waqt dam nikal jae

chhoD duniya ko kya hai duniya mein

kaun kis ka hua hai duniya mein

log kis ko bura nahin kahte

apne wale bhi chup nahin rahte

waqt ka kar na gila dekhta ja

khel hai maqsum ke

pi pi pi le zara jhum ke