maTi ke putle tujhe kitna guman hai

maaTī ke putle tujhe kitnā gumān hai

terī auqāt kyā kyā tirī shaan hai

chaar din kī hai ye zindagānī tirī

rahne vaalī nahīñ naujavānī tirī

ḳhaak ho jā.egī har nishānī tirī

ḳhatm ho jā.egī ye kahānī tirī

chaar din kā terā maan sammān

maaTī ke putle tujhe kitnā gumān hai

tirī auqāt kyā kyā tirī shaan hai

maaTī ke putle tujhe kitnā gumān hai

raaz hastī kā ab tak na samjhā koī

hai parāyā yahāñ par na apnā koī

hashr tak jiine vaalā na dekhā koī

maut se aaj tak bach na paayā koī

kuchh samajhtā nahīñ kaisā insān hai

maaTī ke putle tujhe kitnā gumān hai

ye jo duniyā nazar aa rahī hai hasīñ

chaaT jaa.e na īmāñ ko tere kahīñ

god meñ tujh ko ke ke gayā ikk zamīñ zamīñ

tujh ko ye baat mā'lūm hai ki nahīñ

apne hī ghar meñ tū ik mehmān hai

maaTī ke putle tujhe kitnā gumān hai

hālat karnī kī nādāñ sazā pā.egā

vaqt hai baaz aa varna pachhtā.egā

maut ke vaqt kuchh bhī na kaam aa.egā

ye ḳhazāna yahīñ terā rah jā.egā

māl-o-daulat kā be-kār armān hai

maaTī ke putle tujhe kitnā gumān hai

paikar-e-ḳhāk hai ḳhaak ho jā.egā

tū añdhere meñ ik roz kho jā.egā

apnī hastī ko ġham meñ Dubo jā.egā

qabr kī god meñ jā ke so jā.egā

tū magar saarī bātoñ se anjān hai

maaTī ke putle tujhe kitnā gumān hai

ġham ke mañjdhār meñ ik kinārā bane

yā jabīn-e-vafā kā sitārā bane

sab kā achchhā bane sab kā pyārā bane

aadmī aadmī kā sahārā bane

bas yahī ādamiyat kī pahchān hai

maaTī ke putle tujhe kitnā gumān hai

chaar din kī kahānī hai ye hāsil

maut kī naukrānī hai ye hāsil

mayyat-e-zindagānī hai ye hāsil

dekh nādān faanī hai ye hāsil

hāsil ke liye kyuuñ pareshān hai

maaTī ke putle tujhe kitnā gumān hai

koī chañgez ḳhaañ aur na hitler rahā

koī muflis na koī tavañgar rahā

koī bad-tar rahā aur na behtar rahā

koī daarā na koī sikandar rahā

jiite jī sab tirī aan hai shaan hai

maaTī ke putle tujhe kitnā gumān hai

ye kuTumb ye qabīle na kaam ā.eñge

ye tire beTā beTī na kaam ā.eñge

jo bhī haiñ tere apne na kaam ā.eñge

ye mahal aur do-mahle na kaam ā.eñge

moh maayā meñ terī phañsī jaan hai

maaTī ke putle tujhe kitnā gumān hai

is zamīñ ko kuchal ke jo chaltā hai tū

is tarah se uchhal ke jo chaltā hai tū

yaar mere machal ke jo chaltā hai tū

yuuñ takabbur meñ Dhal ke jo chaltā hai tū

maut ko bhuul baiThā hai nādān hai

maaTī ke putle tujhe kitnā gumān hai

jhūTī 'azmat pe itnā akaḌtā hai kyuuñ

māl-o-daulat pe itnā akaḌtā hai kyuuñ

achchhī hālat pe itnā akaḌtā hai kyuuñ

hālat tāqat pe itnā akaḌtā hai kyuuñ

bulbule se bhī nāzuk tirī jaan hai

maaTī ke putle tujhe kitnā gumān hai

terā sab kuchh hai bas hāsil ke liye

ye jo hai hāsil kī adā chhoḌ de

kyuuñ na 'qaisar' baḌā tujh ko duniyā kahe

ik pal kī ḳhabar bhī nahīñ hai tujhe

sau baras kā magar ghar meñ sāmān hai

maaTī ke putle tujhe kitnā gumān hai

maTi ke putle tujhe kitna guman hai

teri auqat kya kya teri shan hai

chaar din ki hai ye zindagani teri

rahne wali nahin naujawani teri

KHak ho jaegi har nishani teri

KHatm ho jaegi ye kahani teri

chaar din ka tera man samman

maTi ke putle tujhe kitna guman hai

teri auqat kya kya teri shan hai

maTi ke putle tujhe kitna guman hai

raaz hasti ka ab tak na samjha koi

hai paraya yahan par na apna koi

hashr tak jine wala na dekha koi

maut se aaj tak bach na paya koi

kuchh samajhta nahin kaisa insan hai

maTi ke putle tujhe kitna guman hai

ye jo duniya nazar aa rahi hai hasin

chaT jae na iman ko tere kahin

god mein tujh ko ke ke gayā ikk zamin zamin

tujh ko ye baat ma'lum hai ki nahin

apne hi ghar mein tu ek mehman hai

maTi ke putle tujhe kitna guman hai

haalat karni ki nadan saza paega

waqt hai baz aa warna pachhtaega

maut ke waqt kuchh bhi na kaam aaega

ye KHazana yahin tera rah jaega

mal-o-daulat ka be-kar arman hai

maTi ke putle tujhe kitna guman hai

paikar-e-KHak hai KHak ho jaega

tu andhere mein ek roz kho jaega

apni hasti ko gham mein Dubo jaega

qabr ki god mein ja ke so jaega

tu magar sari baaton se anjaan hai

maTi ke putle tujhe kitna guman hai

gham ke manjdhaar mein ek kinara bane

ya jabin-e-wafa ka sitara bane

sab ka achchha bane sab ka pyara bane

aadmi aadmi ka sahaara bane

bas yahi aadamiyat ki pahchan hai

maTi ke putle tujhe kitna guman hai

chaar din ki kahani hai ye hasil

maut ki naukrani hai ye hasil

mayyat-e-zindagani hai ye hasil

dekh nadan fani hai ye hasil

hasil ke liye kyun pareshan hai

maTi ke putle tujhe kitna guman hai

koi changez KHan aur na hitler raha

koi muflis na koi tawangar raha

koi bad-tar raha aur na behtar raha

koi dara na koi sikandar raha

jite ji sab teri aan hai shan hai

maTi ke putle tujhe kitna guman hai

ye kuTumb ye qabile na kaam aaenge

ye tere beTa beTi na kaam aaenge

jo bhi hain tere apne na kaam aaenge

ye mahal aur do-mahle na kaam aaenge

moh maya mein teri phansi jaan hai

maTi ke putle tujhe kitna guman hai

is zamin ko kuchal ke jo chalta hai tu

is tarah se uchhal ke jo chalta hai tu

yar mere machal ke jo chalta hai tu

yun takabbur mein Dhal ke jo chalta hai tu

maut ko bhul baiTha hai nadan hai

maTi ke putle tujhe kitna guman hai

jhuTi 'azmat pe itna akaDta hai kyun

mal-o-daulat pe itna akaDta hai kyun

achchhi haalat pe itna akaDta hai kyun

haalat taqat pe itna akaDta hai kyun

bulbule se bhi nazuk teri jaan hai

maTi ke putle tujhe kitna guman hai

tera sab kuchh hai bas hasil ke liye

ye jo hai hasil ki ada chhoD de

kyun na 'qaisar' baDa tujh ko duniya kahe

ek pal ki KHabar bhi nahin hai tujhe

sau baras ka magar ghar mein saman hai

maTi ke putle tujhe kitna guman hai