KHudi ka tarik fana ka talib jahan mein tanha tumhin ko dekha

ḳhudī kā tārik fanā kā tālib jahāñ meñ tanhā tumhīñ ko dekhā

sabhī haiñ hirs-o-havā ke bande ḳhudā kā bandā tumhīñ ko dekhā

tamām ma.asūm Dar ke maare kaheñge mahshar meñ nafsī-nafsī

vahāñ bhī bahar-e-rifāh-e-ummat shafī’-e-a’alā tumhīñ ko dekhā

kahīñ hai majnūñ fida-e-lailā kahīñ hai vāmiq nisār-e-'azrā

bashar ko pyārā bashar hai lekin ḳhudā kā pyārā tumhīñ ko dekhā

hai āfrīnash meñ kaun aisā ki misl-o-mānind ho na jis kā

nazīr jis kā nahīñ hai koī jahāñ meñ aisā tumhīñ ko dekhā

agar ho dāmān-e-abr haa.il to nūr-e-ḳhurshīd bhī ho zaa.il

zamīñ ke parde meñ muñh chhupā kar pur-āshkārā tumhīñ ko dekhā

sab apne matlab ke āshnā haiñ jahāñ meñ koī nahīñ kisī kā

magar zamāna meñ be-kasī ke rafīq apnā tumhīñ ko dekhā

jahāñ meñ 'ushshāq aur bhī haiñ magar 'jamālī' na koī tum sā

hamesha zār-o-shikasta-kHātir nasīb-e-ā’dā tumhīñ ko dekhā

KHudi ka tarik fana ka talib jahan mein tanha tumhin ko dekha

sabhi hain hirs-o-hawa ke bande KHuda ka banda tumhin ko dekha

tamam masum Dar ke mare kahenge mahshar mein nafsi-nafsi

wahan bhi bahar-e-rifah-e-ummat shafi’-e-a’ala tumhin ko dekha

kahin hai majnun fida-e-laila kahin hai wamiq nisar-e-'azra

bashar ko pyara bashar hai lekin KHuda ka pyara tumhin ko dekha

hai aafrinash mein kaun aisa ki misl-o-manind ho na jis ka

nazir jis ka nahin hai koi jahan mein aisa tumhin ko dekha

agar ho daman-e-abr hail to nur-e-KHurshid bhi ho zail

zamin ke parde mein munh chhupa kar pur-ashkara tumhin ko dekha

sab apne matlab ke aashna hain jahan mein koi nahin kisi ka

magar zamana mein be-kasi ke rafiq apna tumhin ko dekha

jahan mein 'ushshaq aur bhi hain magar 'jamali' na koi tum sa

hamesha zar-o-shikasta-kHatir nasib-e-a’da tumhin ko dekha