is chaman mein subh jo itraega

is chaman meñ sub.h jo itrā.egā

shaam ko gul kī tarah kumlā-e-gā

kar le saudā naqd phir pachhtā.egā

jo yahāñ degā vahī vaañ pā.egā

naqd-e-īmāñ gāñTh se khul jā.egā

niiñd ġhaflat kī agar so jā.egā

ḳhaak kā putlā hai insān-e-za’īf

āḳhir ik din ḳhaak meñ mil jā.egā

fikr-e-fardā aaj karnī chāhiye

fātiha ko gor par kaun aa.egā

dosto duniyā nahīñ jā-e-qayām

jo yahāñ aayā hai ik din jā.egā

rañj pahuñchāne se kab miltā hai ganj

tuḳhm jo Daalā vahī phal khā.egā

sham-e’-mehr-o-mah bhī gul ho jā.egī

kuchh ġharīboñ kā diyā kaam aa.egā

zinda-e-jāved hai vo aadmī

peshtar marne se jo mar jā.egā

is chaman mein subh jo itraega

sham ko gul ki tarah kumla-e-ga

kar le sauda naqd phir pachhtaega

jo yahan dega wahi wan paega

naqd-e-iman ganTh se khul jaega

nind ghaflat ki agar so jaega

KHak ka putla hai insan-e-za’if

aaKHir ek din KHak mein mil jaega

fikr-e-farda aaj karni chahiye

fatiha ko gor par kaun aaega

dosto duniya nahin ja-e-qayam

jo yahan aaya hai ek din jaega

ranj pahunchane se kab milta hai ganj

tuKHm jo Dala wahi phal khaega

sham-e’-mehr-o-mah bhi gul ho jaegi

kuchh gharibon ka diya kaam aaega

zinda-e-jawed hai wo aadmi

peshtar marne se jo mar jaega