piya tujh aashna hun main tu be-gana na kar mujhko

piyā tujh āshnā huuñ maiñ tū be-gāna na kar mujh ko

Tale na ik ghaḌī tujh yaad bin tū nā-bisar mujh ko

jahāñ tū vaañ huuñ maiñ pyāre mujhe kyā kaam hai kis se

na but-ḳhāne kī parvāh hai na masjid kī ḳhabar mujh ko

bahisht-o-dozakH-o-ā'rāf kuchh nahīñ hai mere aage

jidhar tū vaañ merī jannat jidhar maiñ vaañ saqar mujh ko

tirī ulfat kā maiñ sarmast ho matvālī huuñ pyāre

nahīñ hotā ba-juz us ke kisī mai kā asar mujh ko

nabī sadqe ‘qutb’ shah ko nahīñ ādhār kī hājat

ki donoñ jag mane ādhār hai ḳhairul-bashar mujh ko

piya tujh aashna hun main tu be-gana na kar mujh ko

Tale na ek ghaDi tujh yaad bin tu na-bisar mujh ko

jahan tu wan hun main pyare mujhe kya kaam hai kis se

na but-KHane ki parwah hai na masjid ki KHabar mujh ko

bahisht-o-dozakH-o-a'raf kuchh nahin hai mere aage

jidhar tu wan meri jannat jidhar main wan saqar mujh ko

teri ulfat ka main sarmast ho matwali hun pyare

nahin hota ba-juz us ke kisi mai ka asar mujh ko

nabi sadqe ‘qutb’ shah ko nahin aadhaar ki hajat

ki donon jag mane aadhaar hai KHairul-bashar mujh ko