پیا تجھ آشنا ہوں میں تو بے گانہ نہ کر مجھ کو

پیا تجھ آشنا ہوں میں تو بے گانہ نہ کر مجھ کو

ٹلے نہ اک گھڑی تجھ یاد بن تو نا بسر مجھ کو

جہاں تو واں ہوں میں پیارے مجھے کیا کام ہے کس سے

نہ بت خانے کی پرواہ ہے نہ مسجد کی خبر مجھ کو

بہشت و دوزخ و اعراف کچھ نیں ہے میرے آگے

جدھر تو واں میری جنت جدھر میں واں سقر مجھ کو

تری الفت کا میں سرمست ہوں متوالاں ہوں پیارے

نہیں ہوتا بجز اس کے کسی مے کا اثر مجھ کو

نبی صدقے قطبؔ شہ کو نہیں آدھار کی حاجت

کہ دونوں جگ منے آدھار ہے خیرالبشر مجھ کو