raha na hosh kya ishq mein ye kiya humne

rahā na hosh kyā ishq meñ ye kiyā ham ne

butoñ ko sajda kiyā jaan kar ḳhudā ham ne

hazār haif nahīñ kuchh ḳhatar ki roz-e-alast

isī zabāñ se kahā thā balā-balā ham ne

butoñ kā ishq huā jab nasīb vaa.iz

ki muddatoñ kiyā pahle ḳhudā ḳhudā ham ne

tumhīñ to aa ga.e do-din meñ jaur-o-zulm-o-sitam

tamām-umr meñ sīkhī hai ik vafā ham ne

sunā hai kahtā thā 'aughat' ki dīn-o-īmāñ bhī

nisār hazrat-e-'vāris' pe kar diyā ham ne

raha na hosh kya ishq mein ye kiya hum ne

buton ko sajda kiya jaan kar KHuda hum ne

hazar haif nahin kuchh KHatar ki roz-e-alast

isi zaban se kaha tha bala-bala hum ne

buton ka ishq hua jab nasib waiz

ki muddaton kiya pahle KHuda KHuda hum ne

tumhin to aa gae do-din mein jaur-o-zulm-o-sitam

tamam-umr mein sikhi hai ek wafa hum ne

suna hai kahta tha 'aughat' ki din-o-iman bhi

nisar hazrat-e-'waris' pe kar diya hum ne