rahne do chup mujhe na suno majra-e-dil

rahne do chup mujhe na suno mājrā-e-dil

maiñ hāl-e-dil kahūñ to abhī muñh ko aa.e dil

do lafzoñ hī meñ kah diyā sab mājrā-e-dil

ḳhāmosh ho gayā hai koī kah ke hā-e-dil

aate nahīñ haiñ sunñe meñ ab nālhā-e-dil

sunsān kyuuñ paḌī hai ye mātam-sarā-e-dil

ab ho chukī hai jurm se zaa.id sazā-e-dil

jaane do bas mu'āf bhī kar do kHatā-e-dil

har har adā butoñ kī hai qātil barā-e-dil

āḳhir koī bachā.e kyuuñ kar bachā.e dil

itnā hī koī hogā na sabr-āzmā-e-dil

sab se lagā.e tum se na koī lagā.e dil

'majzūb' tū bhī ġhair-e-ḳhudā se lagā.e dil

'ishq-e-butāñ hai banda-e-haq nā-sazā-e-dil

rahne do chup mujhe na suno majra-e-dil

main haal-e-dil kahun to abhi munh ko aae dil

do lafzon hi mein kah diya sab majra-e-dil

KHamosh ho gaya hai koi kah ke ha-e-dil

aate nahin hain sunne mein ab nalha-e-dil

sunsan kyun paDi hai ye matam-sara-e-dil

ab ho chuki hai jurm se zaid saza-e-dil

jaane do bas mu'af bhi kar do kHata-e-dil

har har ada buton ki hai qatil bara-e-dil

aaKHir koi bachae kyun kar bachae dil

itna hi koi hoga na sabr-azma-e-dil

sab se lagae tum se na koi lagae dil

'majzub' tu bhi ghair-e-KHuda se lagae dil

'ishq-e-butan hai banda-e-haq na-saza-e-dil