raqam paida kya kya turfa-e-bismillah ki mad ka

raqam paidā kiyā kyā turfa-e-bismillah kī mad kā

sar-e-dīvān likhā hai maiñ ne matla'-e-nā't ahmad kā

tulū'-e-raushnī jaise nishāñ ho shah kī aamad kā

zuhūr-e-haq kī hujjat hai jahāñ meñ nūr-e-ahmad kā

dabistān-e-azal meñ vo mu'allim 'aql-e-kul kā thā

na thā nām-o-nishāñ jin rozoñ us lauh-e-zabarjad kā

chaman-pairā-e-kun farrāsh us kī bazm-e-rañgīñ meñ

bahār-e-āfrīnash ek buuTā us kī masnad kā

'ajam meñ zalzala nau-shervāñ ke qasr meñ aayā

'arab meñ ġhul huā jis vaqt us kī aamad aamad kā

sharf hāsil huā aadam aur ibrāhīm ko us se

na tanhā faḳhr-e-'ālam faḳhr thā apne ab-o-jad kā

shab-o-roz un ke sāhab-zādo.on kā gahvāra-e-jumbāñ thā

'ajab Dhab yaad thā rūh-ul-amīñ ko bhī ḳhushāmad kā

vo is 'ālam meñ raunaq-bakHsh thā hūroñ kī taskīñ ko

gayā jannat meñ tuubā ban ke saaya us sahī qad kā

ravāñ tasnīm-o-kausar ek qatra-e-āb se us ke

karūñ kyā vasf us durr-e-yatīm-e-bahr-e-sarmad kā

shab-e-me'arāj chaḌh kar 'arsh se dam meñ utar aayā

bayyāñ us qulzum-e-mā'nī kā ho kyā jazar aur mad kā

kushāda 'uqda-e-bātin meñ kaafī nām-e-haq us ko

khulā kartā hai bin kunjī hamesha qufl-e-abjad kā

vafāt-e-zāhirī se jauhar-e-jāñ meñ na farq aayā

vo jism-e-pāk ko mahsūd thā ruuh mujarrad kā

gar af'ī ban ke jaañ nikle udhar iblīs andhā ho

milā hai qasr-e-akHzar ruuh ko us kī zamurrad kā

udhar allāh se vāsil idhar maḳhlūq se shāmil

ḳhavās us barzaḳh-e-kubrā meñ hai harf-e-mushaddad kā

na kam qadr us kī shīrāza bikhar jaa.e arakāñ ke

na afzūñ rutba-e-qurāñ mujazzā se mujallad kā

guzar vahdat se kasrat meñ na hotā zāt-e-mutlaq ko

na bantā sifar gar naqsh-e-ahad par miim ahmad kā

bharosā har kisī ko ek hisār-e-'āfiyat kā ho

mujhe nām-e-mubārak kā hai zulqarnain ko sad kā

tire pā-bos se haftum falak par manzil-e-kaivān

tire sajde meñ hashtum āsmāñ par farq farqad kā

ḳhudā bin māñge kyā kyā ne'amateñ detā hai bandoñ ko

tirā dast-e-du'ā zāmin hai jaise kul ke maqsad kā

baTe.ge jis ghaḌī 'ishrat ke sāmāñ bazm-e-jannat meñ

khulegā haal ummat ko tire in'ām-e-be-had kā

rahā kā'be meñ tere rauze ke dar par na jā paa.ī

usī andoh se hai rañg-e-tīra sañg-e-asvad kā

nishāna tā-dar-e-andāz qad kā dast-o-bāzū ho

tirī ḳhvāhish kare tīr-e-qazā ko hukm gar rad kā

lab gauhar-fishāñ hoñge jab 'arz-e-shafā'at ko

tamāsha-gāh-e-mahshar meñ takeñge nek muñh bad kā

'adū ko hashr tak inkār ho terī risālat meñ

mahal baaqī rahe allāh ke qaul-e-muaqqid kā

huā tujh sā na ho saktā hai merā hai yahī īmāñ

na mānūñ mas.ala hargiz kisī zindīq-o-murtad kā

tirī tā'rīf se merī zabāñ meñ aa.ī hai tezī

safā-hāñ tak musaḳhḳhar hogā teġh-e-muhannad kā

phaTeñge misl-e-taqvīm-e-kuhan dīvāñ hazāroñ ke

huā 'ālam meñ shohra mere ash'ār-e-mujaddid kā

huī hai himmat aalī muri me.arāj kī tālib

mayassar ho tavāf ai kaash mujh ko terī marqad kā

kabhī nazdīk jā kar āstāne par malūñ āñkheñ

kabhī gar duur baiThūñ maiñ karūñ nazāra gumbad kā

farāġh-e-dil se gar vaañ zindagī kā koī dam guzre

hasad ho khizr-o-'īsā ko mire 'aish-e-mukHallad kā

madīne kī zamīñ ke gar na laa.eq ho mirā lāsha

kisī sahrā meñ vaañ ke to'ma huuñ maiñ daam aur dad kā

tamannā hai daraḳhtoñ par tire rauze ke jā baiThe

qafas jis vaqt TuuTe tā.ir-e-rūh-e-muqayyad kā

ḳhudā muñh chuum letā hai 'shahīdī' kis mohabbat se

zabāñ par merī jis dam naam aatā hai mohammad kā

raqam paida kiya kya turfa-e-bismillah ki mad ka

sar-e-diwan likha hai main ne matla'-e-na't ahmad ka

tulu'-e-raushni jaise nishan ho shah ki aamad ka

zuhur-e-haq ki hujjat hai jahan mein nur-e-ahmad ka

dabistan-e-azal mein wo mu'allim 'aql-e-kul ka tha

na tha nam-o-nishan jin rozon us lauh-e-zabarjad ka

chaman-paira-e-kun farrash us ki bazm-e-rangin mein

bahaar-e-afrinash ek buTa us ki masnad ka

'ajam mein zalzala nau-sherwan ke qasr mein aaya

'arab mein ghul hua jis waqt us ki aamad aamad ka

sharf hasil hua aadam aur ibrahim ko us se

na tanha faKHr-e-'alam faKHr tha apne ab-o-jad ka

shab-o-roz un ke sahab-zadoon ka gahwara-e-jumban tha

'ajab Dhab yaad tha ruh-ul-amin ko bhi KHushamad ka

wo is 'alam mein raunaq-bakHsh tha huron ki taskin ko

gaya jannat mein tuba ban ke saya us sahi qad ka

rawan tasnim-o-kausar ek qatra-e-ab se us ke

karun kya wasf us durr-e-yatim-e-bahr-e-sarmad ka

shab-e-me'araj chaDh kar 'arsh se dam mein utar aaya

bayyan us qulzum-e-ma'ni ka ho kya jazar aur mad ka

kushada 'uqda-e-baatin mein kafi nam-e-haq us ko

khula karta hai bin kunji hamesha qufl-e-abjad ka

wafat-e-zahiri se jauhar-e-jaan mein na farq aaya

wo jism-e-pak ko mahsud tha ruh mujarrad ka

gar af'i ban ke jaan nikle udhar iblis andha ho

mila hai qasr-e-akHzar ruh ko us ki zamurrad ka

udhar allah se wasil idhar maKHluq se shamil

KHawas us barzaKH-e-kubra mein hai harf-e-mushaddad ka

na kam qadr us ki shiraaza bikhar jae arakan ke

na afzun rutba-e-quran mujazza se mujallad ka

guzar wahdat se kasrat mein na hota zat-e-mutlaq ko

na banta sifar gar naqsh-e-ahad par mim ahmad ka

bharosa har kisi ko ek hisar-e-'afiyat ka ho

mujhe nam-e-mubarak ka hai zulqarnain ko sad ka

tere pa-bos se haftum falak par manzil-e-kaiwan

tere sajde mein hashtum aasman par farq farqad ka

KHuda bin mange kya kya ne'amaten deta hai bandon ko

tera dast-e-du'a zamin hai jaise kul ke maqsad ka

baTege jis ghaDi 'ishrat ke saman bazm-e-jannat mein

khulega haal ummat ko tere in'am-e-be-had ka

raha ka'be mein tere rauze ke dar par na ja pai

usi andoh se hai rang-e-tira sang-e-aswad ka

nishana ta-dar-e-andaz qad ka dast-o-bazu ho

teri KHwahish kare tir-e-qaza ko hukm gar rad ka

lab gauhar-fishan honge jab 'arz-e-shafa'at ko

tamasha-gah-e-mahshar mein takenge nek munh bad ka

'adu ko hashr tak inkar ho teri risalat mein

mahal baqi rahe allah ke qaul-e-muaqqid ka

hua tujh sa na ho sakta hai mera hai yahi iman

na manun masala hargiz kisi zindiq-o-murtad ka

teri ta'rif se meri zaban mein aai hai tezi

safa-han tak musaKHKHar hoga tegh-e-muhannad ka

phaTenge misl-e-taqwim-e-kuhan diwan hazaron ke

hua 'alam mein shohra mere ash'ar-e-mujaddid ka

hui hai himmat aali muri mearaj ki talib

mayassar ho tawaf ai kash mujh ko teri marqad ka

kabhi nazdik ja kar aastane par malun aankhen

kabhi gar dur baiThun main karun nazara gumbad ka

faragh-e-dil se gar wan zindagi ka koi dam guzre

hasad ho khizr-o-'isa ko mere 'aish-e-mukHallad ka

madine ki zamin ke gar na laeq ho mera lasha

kisi sahra mein wan ke to'ma hun main dam aur dad ka

tamanna hai daraKHton par tere rauze ke ja baiThe

qafas jis waqt TuTe tair-e-ruh-e-muqayyad ka

KHuda munh chum leta hai 'shahidi' kis mohabbat se

zaban par meri jis dam nam aata hai mohammad ka