uTha hai parda faqat ek naqab baqi hai

uThā hai parda faqat ik naqāb baaqī hai

abhī mizāj meñ kuchh kuchh hijāb baaqī hai

huā hai phir tujhe ulfat kā hausla ai dil

kū-e-sitam abhī ḳhāna-ḳharāb baaqī hai

hazār shukr chhuTe qīl-o-qāl duniyā se

faqat lahad kā savāl-o-javāb baaqī hai

abhī ḳhayāl na chhoḌūñgā 'ishq-bāzī kā

yahī haiñ valvale jab tak shabāb baaqī hai

halāl kar ke vo kahtā hai apne bismil se

taḌap le aur abhī iztirāb baaqī hai

jo tum ko aanā hai jald aa dekh luuñ sūrat

faqat dam āñkhoñ meñ misl-e-habāb baaqī hai

visāl-e-yār ho kyā be-takallufī se 'rind'

mujhe lihāz hai us ko hijāb baaqī hai

uTha hai parda faqat ek naqab baqi hai

abhi mizaj mein kuchh kuchh hijab baqi hai

hua hai phir tujhe ulfat ka hausla ai dil

ku-e-sitam abhi KHana-KHarab baqi hai

hazar shukr chhuTe qil-o-qal duniya se

faqat lahad ka sawal-o-jawab baqi hai

abhi KHayal na chhoDunga 'ishq-bazi ka

yahi hain walwale jab tak shabab baqi hai

halal kar ke wo kahta hai apne bismil se

taDap le aur abhi iztirab baqi hai

jo tum ko aana hai jald aa dekh lun surat

faqat dam aankhon mein misl-e-habab baqi hai

visal-e-yar ho kya be-takallufi se 'rind'

mujhe lihaz hai us ko hijab baqi hai