koi ehsan na bhulega ye maulai ka

koī ehsān na bhūlegā ye maulā.ī kā

ashraf-ul-ḳhalq hī rutba hai pazīrā.ī kā

maiñ bhī sarkār ke mañgtoñ meñ ginā jaatā huuñ

ye bhī in.aam milā un se shanāsā.ī kā

sar to sajde meñ kaTā dil meñ hukūmat kar lī

martaba dekhiye karbal meñ ye maulā.ī kā

dil kī pūchheñ to koī dil meñ tamannā hī nahīñ

haal bas aap zarā pūchh leñ shaidā.ī kā

hasrat-e-dīd liye maiñ to taḌaptā huuñ magar

imtihāñ lete haiñ vo merī shakebā.ī kā

hausla aur baḌhā aur baḌhā aur baḌhā

jab kisī ġhair ne charchā kiyā rusvā.ī kā

raaz ulfat ke sabhī phail ga.e 'ālam meñ

shukriya aap kī is anjuman-ārā.ī kā

koi ehsan na bhulega ye maulai ka

ashraf-ul-KHalq hi rutba hai pazirai ka

main bhi sarkar ke mangton mein gina jata hun

ye bhi inam mila un se shanasai ka

sar to sajde mein kaTa dil mein hukumat kar li

martaba dekhiye karbal mein ye maulai ka

dil ki puchhen to koi dil mein tamanna hi nahin

haal bas aap zara puchh len shaidai ka

hasrat-e-did liye main to taDapta hun magar

imtihan lete hain wo meri shakebai ka

hausla aur baDha aur baDha aur baDha

jab kisi ghair ne charcha kiya ruswai ka

raaz ulfat ke sabhi phail gae 'alam mein

shukriya aap ki is anjuman-arai ka