rup uske nit-nae aur aaina-KHane hazar

ruup us ke nit-na.e aur ā.īna-ḳhāne hazār

mustaqil sirf ik haqīqat us ke afsāne hazār

saikḌoñ ḳhum Thokaroñ meñ aur paimāne hazār

chashm-e-sāqī kī 'ināyat hai to mai-ḳhāne hazār

husn hī se 'ishq ke bante haiñ afsāne hazār

sham' paidā ḳhud kiye letī hai parvāne hazār

har nazar par hai izāfa e'tirāf-e-'ijz meñ

fā.ida kyā haiñ agar us ke jilau-ḳhāne hazār

koī parda ho haqīqat ko chhupā saktā nahīñ

aa.e din bante rahe duniyā meñ afsāne hazār

kis ne us kī kunh paa.ī kis ko 'irfāñ par ghamanD

yuuñ to haiñ sāhib nazar aur jaane pahchāne hazār

aap se har samt āñkheñ chaar ho jaatī to haiñ

chāhe hairat hī meñ Dāleñ ā.īna-ḳhāne hazār

aap ke jalve salāmat haiñ to dekhā jā.egā

saikaḌoñ kā'be baneñge aur but-ḳhāne hazār

kyā huā terī mohabbat meñ jo 'kāmil' mar miTā

tū rahe daa.im salāmat aise dīvāne hazār

rup us ke nit-nae aur aaina-KHane hazar

mustaqil sirf ek haqiqat us ke afsane hazar

saikDon KHum Thokaron mein aur paimane hazar

chashm-e-saqi ki 'inayat hai to mai-KHane hazar

husn hi se 'ishq ke bante hain afsane hazar

sham' paida KHud kiye leti hai parwane hazar

har nazar par hai izafa e'tiraf-e-'ijz mein

faida kya hain agar us ke jilau-KHane hazar

koi parda ho haqiqat ko chhupa sakta nahin

aae din bante rahe duniya mein afsane hazar

kis ne us ki kunh pai kis ko 'irfan par ghamanD

yun to hain sahib nazar aur jaane pahchane hazar

aap se har samt aankhen chaar ho jati to hain

chahe hairat hi mein Dalen aaina-KHane hazar

aap ke jalwe salamat hain to dekha jaega

saikaDon ka'be banenge aur but-KHane hazar

kya hua teri mohabbat mein jo 'kaamil' mar miTa

tu rahe daim salamat aise diwane hazar