sab se jahan mein aala hai rutba faqir ka

sab se jahāñ meñ a.alā hai rutba faqīr kā

ye hai tufail saarā janāb-e-amīr kā

lākhoñ hī auliyā hue us ḳhāndān meñ

kyā mo.ajiza hai hazrat-e-pīrān-e-pīr kā

mushkil-kushā.ī kījiye yā pīr-e-dastgīr

tum bin jahāñ meñ koī nahīñ mujh haqīr kā

zarra ko āftāb kyā ik nigāh meñ

adnā ye hai asar mire raushan-zamīr kā

mahbūb-e-kibriyā hai vo sultān-e-auliyā

amjad 'alī hai naam mere dastgīr kā

murshid kā tere sar pe hai har vaqt sāyā-e-lutf

'sayyad' hai ḳhauf kyā tujhe roz-e-aḳhīr kā

sab se jahan mein aala hai rutba faqir ka

ye hai tufail sara janab-e-amir ka

lakhon hi auliya hue us KHandan mein

kya moajiza hai hazrat-e-piran-e-pir ka

mushkil-kushai kijiye ya pir-e-dastgir

tum bin jahan mein koi nahin mujh haqir ka

zarra ko aaftab kya ek nigah mein

adna ye hai asar mere raushan-zamir ka

mahbub-e-kibriya hai wo sultan-e-auliya

amjad 'ali hai nam mere dastgir ka

murshid ka tere sar pe hai har waqt saya-e-lutf

'sayyad' hai KHauf kya tujhe roz-e-aKHir ka