سب سے جہاں میں اعلیٰ ہے رتبہ فقیر کا

سب سے جہاں میں اعلیٰ ہے رتبہ فقیر کا

یہ ہے طفیل سارا جناب امیر کا

لاکھوں ہی اولیا ہوئے اس خاندان میں

کیا معجزہ ہے حضرت پیران پیر کا

مشکل کشائی کیجیے یا پیر دستگیر

تم بن جہاں میں کوئی نہیں مجھ حقیر کا

ذرہ کو آفتاب کیا اک نگاہ میں

ادنیٰ یہ ہے اثر مرے روشن ضمیر کا

محبوب کبریا ہے وہ سلطان اولیا

امجد علی ہے نام میرے دستگیر کا

مرشد کا تیرے سر پہ ہے ہر وقت سایۂ لطف

سیدؔ ہے خوف کیا تجھے روزِ اخیر کا