mujhe ab to saqi ne baada pilaya

mujhe ab to saaqī ne baada pilāyā

hai shukr-e-ḳhudā mast mujh ko banāyā

liyā dīn-o-īmān bātoñ hī bātoñ

'ajab naach saaqī ne mujh ko nachāyā

jo raaz mai-o-jām-o-shīshe kā maiñ ne

sunā thā so āñkhoñ se mujh ko dikhāyā

bahaktā maiñ phirtā thā jis ke sabab se

muġhāñ ne pakaḌ haath us se milāyā

kahāñ hai surāhī ye kahtā thā maiñ sū

mire paas shīsha thā mujh ko pilāyā

maiñ 'sādiq' huuñ shah-e-ḳhair mastī ne mujh ko

hañsāyā rulāyā hilāyā milāyā

mujhe ab to saqi ne baada pilaya

hai shukr-e-KHuda mast mujh ko banaya

liya din-o-iman baaton hi baaton

'ajab nach saqi ne mujh ko nachaya

jo raaz mai-o-jam-o-shishe ka main ne

suna tha so aankhon se mujh ko dikhaya

bahakta main phirta tha jis ke sabab se

mughan ne pakaD hath us se milaya

kahan hai surahi ye kahta tha main su

mere pas shisha tha mujh ko pilaya

main 'sadiq' hun shah-e-KHair masti ne mujh ko

hansaya rulaya hilaya milaya