jafa kar len yahan aakHir kabhi roz-e-jaza hoga

jafā kar leñ yahāñ ākHir kabhī roz-e-jazā hogā

hamārā un butoñ kā faisla pesh-e-ḳhudā hogā

mubārak ai dil-e-shaidā ki vasl-e-dil-rubā hogā

bahār-e-'aish aatī hai ġham-e-furqat huā hogā

salām is pārsā.ī ko ki dam hūroñ meñ aTkā hai

nahīñ mā'lūm ai zāhid tirā anjām kyā hogā

vo bhole-pan se nām-e-vasl par Dar-Dar ke kahte haiñ

batā do vasl kyā shai hai natīja is kā kyā hogā

mile tum ḳhvāb meñ aakar diyā paiġhām milne kā

taġhāful kī na lo kaho vā'da kab tak vafā hogā

hamārā hausla tālib nahīñ asbāb zāhir kā

vufū-e-shauq-e-vasl-e-dil-rubā hājat-ravā hogā

abhī āġhāz-e-ulfat meñ banī hai jaan par apnī

kaho anjām us kā ai ‘safīr’-e-zār kyā hogā

jafa kar len yahan aakHir kabhi roz-e-jaza hoga

hamara un buton ka faisla pesh-e-KHuda hoga

mubarak ai dil-e-shaida ki wasl-e-dil-ruba hoga

bahaar-e-'aish aati hai gham-e-furqat hua hoga

salam is parsai ko ki dam huron mein aTka hai

nahin ma'lum ai zahid tera anjam kya hoga

wo bhole-pan se nam-e-wasl par Dar-Dar ke kahte hain

bata do wasl kya shai hai natija is ka kya hoga

mile tum KHwab mein aakar diya paigham milne ka

taghaful ki na lo kaho wa'da kab tak wafa hoga

hamara hausla talib nahin asbab zahir ka

wufu-e-shauq-e-wasl-e-dil-ruba hajat-rawa hoga

abhi aaghaz-e-ulfat mein bani hai jaan par apni

kaho anjam us ka ai ‘safir’-e-zar kya hoga