safina mera sahil-ashna malum hota hai

safīna mirā sāhil-āshnā ma.alūm hotā hai

mujhe ye bhī fareb-e-nā-ḳhudā ma.alūm hotā hai

tire ġham kā jahāñ tak silsila ma.alūm hotā hai

vahīñ tak merī hastī kā patā ma.alūm hotā hai

na pūchho ai dost shām-e-ġham meñ kyā ma.alūm hotā hai

mujhe har dam qazā kā sāmnā ma.alūm hotā hai

ba-har-lahza ba-har-sā.at sivā ma.alūm hotā hai

tumhār ġham tabī.at-āshnā ma.alūm hotā hai

nafas kī āmad-o-shud se patā ma.alūm hotā hai

ki us parde meñ koī dūsrā ma.alūm hotā hai

ummīdeñ TūTtī haiñ Dūbtī jaatī haiñ nabz bhī

dil-e-betāb ko ārām sā ma.alūm hotā hai

usī ke dam se hai kaunain kī hañgāma ārā.ī

ba-zāhir ishq be-barg-o-navā ma.alūm hotā hai

tirī shabnam-fashāñ āñkhoñ kā aañsū tere dāman par

sitāra arsh se TuuTā huā ma.alūm hotā hai

use merā sukūn-e-dil gavārā kis tarah hogā

jise merā taḌapnā bhī burā ma.alūm hotā hai

haqīqat ye hai 'māhir' saḳht kā farzand mashrab hai

magar vo dekhne meñ pārsā ma.alūm hotā hai

safina mera sahil-ashna malum hota hai

mujhe ye bhi fareb-e-na-KHuda malum hota hai

tere gham ka jahan tak silsila malum hota hai

wahin tak meri hasti ka pata malum hota hai

na puchho ai dost sham-e-gham mein kya malum hota hai

mujhe har dam qaza ka samna malum hota hai

ba-har-lahza ba-har-saat siwa malum hota hai

tumhaar gham tabiat-ashna malum hota hai

nafas ki aamad-o-shud se pata malum hota hai

ki us parde mein koi dusra malum hota hai

ummiden TuTti hain Dubti jati hain nabz bhi

dil-e-betab ko aaram sa malum hota hai

usi ke dam se hai kaunain ki hangama aarai

ba-zahir ishq be-barg-o-nawa malum hota hai

teri shabnam-fashan aankhon ka aansu tere daman par

sitara arsh se TuTa hua malum hota hai

use mera sukun-e-dil gawara kis tarah hoga

jise mera taDapna bhi bura malum hota hai

haqiqat ye hai 'mahir' saKHt ka farzand mashrab hai

magar wo dekhne mein parsa malum hota hai