qarib maut khaDi hai zara Thahr jao
qarīb maut khaḌī hai zarā Thahr jaao
qazā se aañkh laḌī hai zarā Thahr jaao
thakī thakī sī fazā.eñ bujhe bujhe taare
baḌī udaas ghaḌī hai zarā Thahr jaao
nahīñ umiid ki ham aaj kī sahar dekheñ
ye raat ham pe kaḌī hai zarā Thahr jaao
abhī na jaao ki tāroñ kā dil dhaḌaktā hai
tamām raat paḌī hai zarā Thahr jaao
phir is ke baa'd kabhī ham na tum ko rokeñge
laboñ pe saañs aḌī hai zarā Thahr jaao
dam-e-firāq meñ jī bhar ke tum ko dekh to luuñ
ye faisle kī ghaḌī hai zarā Thahr jaao
qarib maut khaDi hai zara Thahr jao
qaza se aankh laDi hai zara Thahr jao
thaki thaki si fazaen bujhe bujhe tare
baDi udas ghaDi hai zara Thahr jao
nahin umid ki hum aaj ki sahar dekhen
ye raat hum pe kaDi hai zara Thahr jao
abhi na jao ki taron ka dil dhaDakta hai
tamam raat paDi hai zara Thahr jao
phir is ke ba'd kabhi hum na tum ko rokenge
labon pe sans aDi hai zara Thahr jao
dam-e-firaq mein ji bhar ke tum ko dekh to lun
ye faisle ki ghaDi hai zara Thahr jao
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
