kahan hain intiha-e-zauq-e-kaamil dekhne wale

kahāñ haiñ intihā-e-zauq-e-kāmil dekhne vaale

hameñ dekheñ ki ham haiñ husn-e-bātil dekhne vaale

haiñ aslī jalva-e-diniyā-e-bātil dekhne vaale

mil kar rañg-e-vīrānī-o-mahfil dekhne vaale

nazar rakhte nahīñ pā-e-talab kī nā-rasā.ī par

ahal ke haath meñ dāmān-e-manzil dekhne vaale

na jaane kyā ma.aal aayā nazar mashq-e-tasavvur kā

phaḌak uThe jamāl-o-jalva-e-dil dekhne vaale

zarā se dil meñ ai 'sīmāb' ik duniyā-e-irfāñ hai

mujhe hairat se takte haiñ mirā dil dekhne vaale

kahan hain intiha-e-zauq-e-kaamil dekhne wale

hamein dekhen ki hum hain husn-e-baatil dekhne wale

hain asli jalwa-e-diniya-e-baatil dekhne wale

mil kar rang-e-virani-o-mahfil dekhne wale

nazar rakhte nahin pa-e-talab ki na-rasai par

ahal ke hath mein daman-e-manzil dekhne wale

na jaane kya maal aaya nazar mashq-e-tasawwur ka

phaDak uThe jamal-o-jalwa-e-dil dekhne wale

zara se dil mein ai 'simab' ek duniya-e-irfan hai

mujhe hairat se takte hain mera dil dekhne wale