fareb-e-agahi se wajd mein hai raaz-dan mera

fareb-e-āgahī se vajd meñ hai rāz-dāñ merā

ki jaise us ke dil kī choT hai dard-e-nihāñ merā

karūñ phir arz-e-jalva hausla itnā kahāñ merā

farāz-e-tūr par ho to chukā hai imtihāñ merā

maiñ kyuuñ sub.h-e-azal se qasd karatā shām-e-hastī kā

na thā ma.alūm itnā vaqt hogā rā.egāñ merā

maiñ apnī jaan dūñgā husn se ahd-e-vafā le kar

ajal pahle se sun rakhe ki saudā hai garāñ merā

nahīñ ehsās ai 'sīmāb' mujh ko ahd-e-pīrī kā

ḳhudā rakhe abhī to jazba-e-dil hai javāñ merā

fareb-e-agahi se wajd mein hai raaz-dan mera

ki jaise us ke dil ki choT hai dard-e-nihan mera

karun phir arz-e-jalwa hausla itna kahan mera

faraaz-e-tur par ho to chuka hai imtihan mera

main kyun subh-e-azal se qasd karata sham-e-hasti ka

na tha malum itna waqt hoga raegan mera

main apni jaan dunga husn se ahd-e-wafa le kar

ajal pahle se sun rakhe ki sauda hai garan mera

nahin ehsas ai 'simab' mujh ko ahd-e-piri ka

KHuda rakhe abhi to jazba-e-dil hai jawan mera