wo umangen wo ha-o-hu hi nahin

vo umañgeñ vo hā-o-hū hī nahīñ

dil kahāñ ab ki aarzū hī nahīñ

bāġh-e-a.alam kā inqalāb na pūchh

ab vo pahlā sā rañg-o-bū hī nahīñ

kījiye kyā tasavvur-ārā.ī

koī tasvīr rū-ba-rū hī nahīñ

dekhtā huuñ ki aaj ashkoñ meñ

dil ke TukḌe bhī haiñ lahū hī nahīñ

shauq se vo hijāb farmā.eñ

ab mujhe ḳhabt-e-justujū hī nahīñ

ye dil-e-nā-murād kā a.alam

aur sab kuchh hile aarzū hī nahīñ

un se shikva fuzūl hai 'sīmāb'

qābil-e-iltifāt tū hī nahīñ

wo umangen wo ha-o-hu hi nahin

dil kahan ab ki aarzu hi nahin

bagh-e-alam ka inqalab na puchh

ab wo pahla sa rang-o-bu hi nahin

kijiye kya tasawwur-arai

koi taswir ru-ba-ru hi nahin

dekhta hun ki aaj ashkon mein

dil ke TukDe bhi hain lahu hi nahin

shauq se wo hijab farmaen

ab mujhe KHabt-e-justuju hi nahin

ye dil-e-na-murad ka aalam

aur sab kuchh hile aarzu hi nahin

un se shikwa fuzul hai 'simab'

qabil-e-iltifat tu hi nahin