faza paida nahin karti kahin diwana barson se

fazā paidā nahīñ kartī kahīñ dīvāna barsoñ se

nahīñ uThtā koī paiġhambar-e-vīrāna barsoñ se

nazar hai parda-dār-e-jalva-e-jānā barsoñ se

mirī nigrāniyoñ meñ hai tajallī-ḳhāna barsoñ se

vahāñ taskīn-e-ḳhātir chaar din se husn-e-āsūda

yahāñ āshob-e-pahlū ik dil-e-dīvāna barsoñ se

ta.ajjub hai jo duniyā ab bhī mai-ḳhāna na ban jaa.e

sharāb-e-ishq hai paimāna-dar-paimāna barsoñ se

mizāj-e-husn meñ tabdīliyāñ paidā nahīñ hotīñ

mohabbat gā rahī hai ek hī afsāna barsoñ se

guzargāh-e-vafā meñ sar-ba-kaf aanā paḌā mujh ko

pukāre jā rahī thī himmat-e-mardāna barsoñ se

ġhulāmī ishq kī 'sīmāb' baaqī rah nahīñ saktī

mujhe uksā rahī hai himmat-e-mardāna barsoñ se

faza paida nahin karti kahin diwana barson se

nahin uThta koi paighambar-e-virana barson se

nazar hai parda-dar-e-jalwa-e-jaana barson se

meri nigraniyon mein hai tajalli-KHana barson se

wahan taskin-e-KHatir chaar din se husn-e-asuda

yahan aashob-e-pahlu ek dil-e-diwana barson se

tajjub hai jo duniya ab bhi mai-KHana na ban jae

sharab-e-ishq hai paimana-dar-paimana barson se

mizaj-e-husn mein tabdiliyan paida nahin hotin

mohabbat ga rahi hai ek hi afsana barson se

guzargah-e-wafa mein sar-ba-kaf aana paDa mujh ko

pukare ja rahi thi himmat-e-mardana barson se

ghulami ishq ki 'simab' baqi rah nahin sakti

mujhe uksa rahi hai himmat-e-mardana barson se