in shirk ki hadon se use dur ja ke dekh

in shirk kī hadoñ se use duur jā ke dekh

dil se chhupā ke dekh nazar se bachā ke dekh

hāl-e-tabāh-e-ishq na yuuñ muskurā ke dekh

tevar badal na jaa.eñ mizāj-e-vafā ke dekh

tere nasīb meñ nahīñ ye sāz-o-barg-e-ishq

mere tan-e-figār pe TukḌe qabā ke dekh

ka.aba bhī dil banā tirā dair-o-kunisht bhī

sab kuchh to ban chukā use ab dil banā ke dekh

sunte haiñ ilm-o-fan kī vahāñ qadr hai abhī

'sīmāb' ek baar dakan tū bhī jā ke dekh

in shirk ki hadon se use dur ja ke dekh

dil se chhupa ke dekh nazar se bacha ke dekh

haal-e-tabah-e-ishq na yun muskura ke dekh

tewar badal na jaen mizaj-e-wafa ke dekh

tere nasib mein nahin ye saz-o-barg-e-ishq

mere tan-e-figar pe TukDe qaba ke dekh

kaba bhi dil bana tera dair-o-kunisht bhi

sab kuchh to ban chuka use ab dil bana ke dekh

sunte hain ilm-o-fan ki wahan qadr hai abhi

'simab' ek bar dakan tu bhi ja ke dekh