junun wajh-e-shikast-e-rang-e-mahfil hota jata hai

junūñ vaj.h-e-shikast-e-rañg-e-mahfil hotā jaatā hai

zamāna apne mustaqbil meñ dāḳhil hotā jaatā hai

rihā honā ba-qaid-e-zabt mushkil hotā jaatā hai

ki naala phir ham-āhañg-e-salāsil hotā jaatā hai

yaqīn inkishāf-e-rāz-bātil hotā jaatā hai

ki merā har qadam ab mīl-e-manzil hotā jaatā hai

jahāñ meñ phailī jaatī hai ḳhākistar mere dil kī

jahāñ kā zarra-zarra sāhab-e-dil hotā jaatā hai

jise maiñ shām-e-ġhurbat ik shugūn-e-nahs samjhā thā

vo taarā rahnumā-e-sub.h-e-manzil hotā jaatā hai

udāsī yaas ban kar chhā rahī hai saare a.alam par

kisī kā dil ho ab ma.anan mirā dil hotā jaatā hai

niyāz-e-ishq mustahsan sahī phir bhī ġhulāmī hai

ab is dastūr se ḳhud husn bad-dil hotā jaatā hai

ravā rakhtā hai dānista hurūf-e-sāqit-o-zā.id

ab apne nuqs meñ 'sīmāb' kāmil hotā jaatā hai

junun wajh-e-shikast-e-rang-e-mahfil hota jata hai

zamana apne mustaqbil mein daKHil hota jata hai

riha hona ba-qaid-e-zabt mushkil hota jata hai

ki nala phir ham-ahang-e-salasil hota jata hai

yaqin inkishaf-e-raaz-baatil hota jata hai

ki mera har qadam ab mil-e-manzil hota jata hai

jahan mein phaili jati hai KHakistar mere dil ki

jahan ka zarra-zarra sahab-e-dil hota jata hai

jise main sham-e-ghurbat ek shugun-e-nahs samjha tha

wo tara rahnuma-e-subh-e-manzil hota jata hai

udasi yas ban kar chha rahi hai sare aalam par

kisi ka dil ho ab manan mera dil hota jata hai

niyaz-e-ishq mustahsan sahi phir bhi ghulami hai

ab is dastur se KHud husn bad-dil hota jata hai

rawa rakhta hai danista huruf-e-saqit-o-zaid

ab apne nuqs mein 'simab' kaamil hota jata hai