aap ke gham se faizyab ishrat-e-zindagi nahin

aap ke ġham se faizyāb 'ishrat-e-zindagī nahīñ

zindagī aap ke supurd ye mere kaam kī nahīñ

aish-o-nishāt-e-dahr kī mere liye kamī nahīñ

aish-o-nishāt par magar merī nigāh bhī nahīñ

uzr-e-gunāh kyuuñ karūñ kyā mujhe āgahī nahīñ

tark aur iḳhtiyār par qudrate-ādmī nahīñ

hasrat yak nigāh kī kyā kahūñ qadr kyā huī

maiñ ne kahā kabhī kabhī us ne kahā kabhī nahīñ

rahguzr-e-jahāñ meñ hai mī-guzrad pe kār-band

shikva-e-jabr-o-ikHtiyār mashrab-e-vārsī nahīñ

aap ke gham se faizyab 'ishrat-e-zindagi nahin

zindagi aap ke supurd ye mere kaam ki nahin

aish-o-nishat-e-dahr ki mere liye kami nahin

aish-o-nishat par magar meri nigah bhi nahin

uzr-e-gunah kyun karun kya mujhe aagahi nahin

tark aur iKHtiyar par qudrate-admi nahin

hasrat yak nigah ki kya kahun qadr kya hui

main ne kaha kabhi kabhi us ne kaha kabhi nahin

rahguzr-e-jahan mein hai mi-guzrad pe kar-band

shikwa-e-jabr-o-ikHtiyar mashrab-e-warsi nahin