KHudi KHud-biniyon ki had mein daKHil hoti jati hai

ḳhudī ḳhud-bīniyoñ kī had meñ dāḳhil hotī jaatī hai

ḳhudā kī ma.arifat kuchh aur mushkil hotī jaatī hai

bujhe jaate haiñ dil tārīk mahfil hotī jaatī hai

ye duniyā qabr ban jaane ke qābil hotī jaatī hai

rihā.ī gosha-e-zindāñ se mushkil hotī jaatī hai

tabī.at kHūgar-e-tauq-o-salāsil hotī jaatī hai

ajab a.alam hai bedārān-e-rāh-e-azm-o-himmat kā

sabīl-e-kHvāb bhī manzil-ba-manzil hotī jaatī hai

mohabbat ho vafā ho ārzū-mandī ho yā hasrat

ab ik lā-hāsilī un sab kā hāsil hotī jaatī hai

nishāt-e-hāl ne 'sīmāb' aisī loriyāñ dī haiñ

ḳhudā.ī apne mustaqbil se ġhāfil hotī jaatī hai

KHudi KHud-biniyon ki had mein daKHil hoti jati hai

KHuda ki marifat kuchh aur mushkil hoti jati hai

bujhe jate hain dil tarik mahfil hoti jati hai

ye duniya qabr ban jaane ke qabil hoti jati hai

rihai gosha-e-zindan se mushkil hoti jati hai

tabiat kHugar-e-tauq-o-salasil hoti jati hai

ajab aalam hai bedaran-e-rah-e-azm-o-himmat ka

sabil-e-kHwab bhi manzil-ba-manzil hoti jati hai

mohabbat ho wafa ho aarzu-mandi ho ya hasrat

ab ek la-hasili un sab ka hasil hoti jati hai

nishat-e-haal ne 'simab' aisi loriyan di hain

KHudai apne mustaqbil se ghafil hoti jati hai