na hogi razm agar to bazm wajh-e-barhami hogi

na hogī razm agar to bazm vaj.h-e-barhamī hogī

kisī sūrat se ho duniyā to ik din ḳhatm hī hogī

maran ho jā.egā jiinā agar sūrat yahī hogī

sunā hai zindagī hī phir ma.āl-e-zindagī hogī

mujhe duniyā-o-mā-fīhā se kyā dil-bastagī hogī

yuuñ hī sahvan kabhī us kī taraf aañkh uTh ga.ī hogī

ilāhī āsmāñ kab tak banegā marja'-e-hastī

yahāñ kab tak yuuñ hī tauhīn-e-ḳhāk-e-ādmī hogī

maiñ ai 'sīmāb' sūraj ban ke chamkā huuñ añdheroñ meñ

na hone se mere mahsūs duniyā meñ kamī hogī

na hogi razm agar to bazm wajh-e-barhami hogi

kisi surat se ho duniya to ek din KHatm hi hogi

maran ho jaega jina agar surat yahi hogi

suna hai zindagi hi phir maal-e-zindagi hogi

mujhe duniya-o-ma-fiha se kya dil-bastagi hogi

yun hi sahwan kabhi us ki taraf aankh uTh gai hogi

ilahi aasman kab tak banega marja'-e-hasti

yahan kab tak yun hi tauhin-e-KHak-e-admi hogi

main ai 'simab' suraj ban ke chamka hun andheron mein

na hone se mere mahsus duniya mein kami hogi